އިންޑިއާގައި ބާއްވާ ދާދާސާހަބް ޕަލްކާ އިންޓަނޭޝަނަލް ފިލްމު ފެސްޓިވަލުގެ އެންމެ މޮޅު ޑެބިއު އެކްޓަރުގެ އެވޯޑް އަހާން ޝެޓީއަށް ލިބިއްޖެއެވެ.
މިދިޔަ އާދީއްތަ ދުވަހު އިންޑިއާގެ މުމްބާއީގައި ބޭއްވި މި ފެސްޓިވަލް އިން އަހާނަށް މި އެވޯޑް ލިބުނީ އޭނާގެ ފުރަތަމަ ފިލްމު "ތަޅަޕް" އިންނެވެ.
2018 ވަނަ އަހަރު ރިލީޒްކުރި ކާމިޔާބު ތެލެގޫ ފިލްމު "އާރްއެކްސް 100" އަސްލަކަށް ބަލައިގެން މިލަން ލުތުރިއާ ޑައިރެކްޓްކުރި "ތަޅަޕް" އަކީ ވައިލަންޓް ލަވް ސްޓޯރީއެކެވެ. މި ފިލްމަކީ ބޮކްސް އޮފީހުގައި ކާމިޔާބު ފިލްމެކެވެ.
ދަރިފުޅު އަހާންގެ ފުރަތަމަ ފިލމުގެ ގޮތުގައި ރިލީޒްވި މި ފިލުމުގައި އެނާގެ ބައްޕަ ކުރީގެ މަޝްހޫރު އެކްޓަރު ސުނިލް ޝެޓީވެސް ވަނީ މުހިއްމު ރޯލެއް ކުޅެފައެވެ.
މިދިޔަ އަހަރު ޑިސެމްބަރުމަހު ރިލީޒްކުރި މި ފިލްމު ޕްރޮޑިއުސްކުރީ ސުނިލްގެ ގާތް އެކުވެރިއެއްކަމަށްވާ ސާޖިދު ނަދިއާދްވާލާއެވެ. "ތަޅަޕް" ގެ ކާސްޓްގައި ސިކަންދަރް ކޭރް، އަމިތު ސާދު، ސޯރަބް ޝުކްލާ، ކުމުދު މިޝްރާ، ސުމިތު ގުލާޓީވެސް ހިމެނެ އެވެ.
ރަޖަތު އަރޯރާ ސްކްރީންޕްލޭ ލިޔުނު ފިލްމުގެ މިއުޒިކް ހެދީ ޕްރިތަމް އެވެ.