މާލެގައި ރޭ ހިނގި އެކްސިޑެންޓެއްގައި ޒަހަމްވި 21 އަހަރުގެ ޒުވާނަކު މަރުވެއްޖެއެވެ.
ފުލުހުން ވިދާޅުވީ ހުޅުމާލެއިން މާލެއަށް ބާރު ސްޕީޑްގައި ދުއްވާފައި ދިޔަ ސައިކަލެއް ކޮންޓްރޯލުން ނެއްޓި، މީހަކަށް އަނިޔާވެގެން އުޅޭކަމުގެ މަޢުލޫމާތު ފުލުހުންނަށް ލިބުނީ ރޭ 19:57 ހާއިރުކަމަށެވެ.
ފުލުހުން ވިދާޅުވީ މި ހިނގި އެކްސިޑެންޓްގައި ސައިކަލުގައި އިން 21 އަހަރުގެ ފިރިހެން މީހާ އޭޑީކޭ ހޮސްޕިޓަލްގައި ފަރުވާ ދެމުން ދަނިކޮށް ނިޔާވެފައިވާކަމަށެވެ. މައުލޫމާތު ލިބިފައިވާ ގޮތުގައި އޭނާ ނިޔާވީ މިރޭގެ ވަގުތެއްގައެވެ.
ފުލުހުން ވިދާޅުވީ މިކަމާ ގުޅިގެން އިތުރަށް ބަލަންޖެހޭ ކަންކަން ބަލަމުންދާކަމަށް ފުލުހުން ވަނީ ވިދާޅުވެފައެވެ.
މީގެކުރިންވެސް ހުލުމާލެއާއި މާލެއާ ދެމެދު ހައިވޭއާ ބްރިޖްގައި ނުރައްކާތެރި އެކްސިޑެންޓްތައް ހިނގާފައިވެއެވެ. އަދި ބައެއް އެކްސިޑެންޓްތަކުގައި މީހުންގެ ފުރާނައަށްވެސް ގެއްލުންވެފައިވެއެވެ.