ކާމިޔާބު ޑައިރެކްޓަރ ސަންޖޭ ލީލާ ބަންސާލީ ޕްރޮޑިއުސްކުރާ ބޮޑު ވެބް ސީރީޒް "ހީރާމަންޑީ" ގެނެސްދޭން ހަމަޖެހިފައިވަނީ ނެޓްފްލިކްސުން ކަމަށް މީގެ ކުރިން ވަނީ އަދު ފެތުރިފައެވެ.
އިންޑިއާއަށް މިނިވަންކަން ލިބުމުގެ ކުރީން އިންޑިއާގައި އޮތް ސަރަޙައްދެއްކަމަށްވާ "ހީރާމަންޑީ" ގެ ޙަޤީޤަތާއި ފޮރުވިފައިވާ ސަޤާފަތް ދައްކުވައިދޭ މި ސީރީޒްގައި ބޮޑު ކާސްޓެއްވެސް ހިމެނެއެވެ.
މި ސީރީޒްގެ އެންމެ ފަހުގެ ޚަބަރުތަކަށް ބަލާލާއިރު މިސީރިޒްގެ ފުރަތަމަ ސީޒަނަށް ނެޓްފިލްކްސުން 35 ކްރޯޑް ރުޕީސް ދިނުމަށް މިހާރު ވަނީ އެއްބަސްވެފައެވެ. ނަމަވެސް މި ސީރީޒް ނެޓްފްލިކްސް އިން ގެނެސްދޭނެ އިރެއް އަދި ނުބުނެއެވެ.
20 އަހަރަށްފަހު މި ސިރީޒްގައި ބޮލީވުޑްގެ ކާމިޔާބު ދެ ތަރިންކަމަށްވާ ރޭކާއާއި މަދުރީ އެއްކޮށް ފެނިގެންދާނެކަމަށް ކުރިން އޮތީ ބެލެވިފައެވެ. އެހެންނަމަވެސް ރޭކާގެ ރޯލު މިހާރުވަނީ އައިޝްވަރިޔާއަށް ދީފައެވެ. ރޭކާގެ ރޯލަށް އައިޝްވަރިޔާ ނެގީ ރޭކާ އާއިއެކު މަސައްކަތްކުރަން ބަންސާލީއަށް އެހާ ފަސޭހަ ނުވާތީކަމަށް ހަބަރުތައް ބުނެއެވެ.
ފުރަތަމަ ސީޒަންގައި 7 އެޕިސޯޑް ހިމެނޭ މި ސީރީޒުން ބަންސާލީ ޑައިރެކްޓްކުރާނީ ފުރަތަމަ އެޕިސޯޑެވެ. އަނެއް 6 އެޕިސޯޑްވެސް ޑައިރެކްޓްކުރާނީ ވިބޫ ޕޫރީ ކަމަށް ޕްރޮޑަކްޝަން ޓީމުން ބުނެއެވެ. ސީރީޒްގެ މިއުޒިކަކީ 1999 ވަނަ އަހަރު ދެއްކި ބަންސާލީގެ "ހަމް ދިލް ދޭ ޗުކޭ ސަނަމް" އާއި 2002 ވަނަ އަހަރު ދެއްކި "ދޭވްދާސް" ގެވެސް މިއުޒިކް ޑައިރެކްޓަރު އިސްމާއީލް ދަރުބާރުގެ މިޔުޒިކެވެ.
ޢާލިއާ ބަޓް ލީޑްރޯލުން ފެނިގެންދާ "ގަންގޫބާއީ ކަތިއަވާޅީ" ގެނެސްދޭން ބަންސާލީ ތައްޔާރުވާއިރު އޭނާ ދެން އުފައްދަން އޮތް ފީޗާ ފިލްމަކީ "ބައިޖޫ ބަވްރާ" އެވެ.