ރަވީއާއި ނުޒޫގެ ވަރަށް ތަފާތު ރޯލެއް ފެނިގެންދާ ފިލްމު "ފަރީ" އިންޑިއަން ފިލްމް ފެސްޓިވަލް އޮފް މެލްބަންގައި ދައްކަން ހަމަޖެހިއްޖެއެވެ. އާއިލީ ޑްރާމާ މި ފިލްމަކީ ބައިސްކޯފްގެ ސްޓްރީމްކުރަމުން އަންނަ ފިލްމެކެވެ.
މި ފިލްމުގެ ޕްރޮޑިސަރުންނަކީ "މަދޮށިޕް" އާއި "ކުންނާރު ޕްރޮޑަކްޝަން" ގެ އިތުރުން "އެއްކާފު ޕްރޮޑަކްޝަން" އެވެ.
މި ފިލްމުގެ ލީޑް ކާސްޓުންނަކީ "ޕަރީ"ގެ ރޯލުން ފެނިގެންދާ ނުޒުހަތު ޝުއައިބާއި އެނާގެ ބައިވެރިޔާގެ ރޯލުން ފެނިގެންދާ ރަވީ ފަރޫގްއެވެ. މީގެއިތުރުން އަހްމަދު އިސާ ( އާނަންދު) އާއި މުހައްމަދު ޔުނާނާއި ފައުޒިއްޔާ ހަސަންގެވެސް މުހިއްމު ރޯލްތަކެއް މި ފިލްމުގައި ފެނިގެންދެއެވެ.
"we are products of our social settings.."
— ehkaaf (@ehkaafmv) March 31, 2021
.@faree_themovie | a @madhoship
Presentation | a @kuhnaaru
Film in association with #ehkaaf
.
Now streaming on @baiskoafu :https://t.co/ltYx3eu1Fu pic.twitter.com/LC8T6iEcju
މި ފިލްމުގެ ސްކްރިޕްޓް ލިޔެ ޑައިރެކްޓްކޮށްފައިވަނީ އަލަށް ޑާއިރެކްޝަނަށް ނުކުތް ޒުވާން ޑައިރެކްޓަރ އަހްމަދު ހިސާން ސައީދު (އަންދު) އެވެ.
އިންޑިއަން ފިލްމް ފެސްޓިވަލް އޮފް މެލްބަންގައި މި ފިލްމު ދައްކާނީ މިމަހުގެ 15 ވަނަދުވަހުން ފެށިގެން 30ގެ ނިޔަލަށެވެ. މި ފެސްޓިވަލްގެ މި ފިލްމު އޮންލައިންކޮށް ބަލާލެވޭނެއެވެ.