2019 ވަނަ އަހަރު ގިނަ ބަޔަކަށް ތައާރަފުވެގެންދިޔަ ޑައިރެކްޓަރ އިލްޔާސް ވަހީދު (އިއްލެ) އަކީ މިވަގުތު ހުރި އެންމެ ތަފާތު އެއް ޑައިރެކްޓަރެވެ. އެނާގެ އަލަތު ފިލްމުގެ ގޮތުގައި 2019 ވަނަ އަހަރު ދޫކޮށްލި "ބަވަތި" ވެގެންދިޔައީ އަހަރުގެ އެންމެ ސްޕަރައިޒިން ފިލްމަށެވެ. މުޅިން އައު ކާސްޓަކާއި އެކު ސިނަމާތަކަށް ނެރުނު ފިލްމު ނިންމާލީ ހައުސްފުލް ޝޯތަކާއި އެކުއެވެ.
އިއްލެގެ ވާހަކަތަކުން މި ފަހަރު މި އޮތީ ފިލްމު ޑައިރެކްޝަނާއި ގުޅޭ ވާހަކައެއް ނޫނެވެ. އިއްލެގެ އުފަންދުވަހަށް އޭނާގެ ގާތް ރަހްމަތެރިޔަކު ފޮނުވި އަދަޔާ ހިލާފު ސަޅި ކޭކެއްގެ ވާހަކައެކެވެ. މި ކޭކަކީ މި ދެދުވަހު ސޯޝަލް މީޑިއާއިން ލޮލުގައި އަޅައިގެން އެންމެ ތަފާތު އެއް ފޮޓޯގެ އިތުރުން ދިވެހި ކޭކު އެޅުންތެރިއެއްގެ ހުނަރާއި މެދު ޔަޤީނުންވެސް ސުވާލު ނުކުރާނެ ފޮޓޯއެކެވެ.
Late Birthday Suprise cake by @jellybyn
— IIIE (@ilyaswaheed) August 3, 2021
Thank You so much this is so beautiful and so creative .... And the Best cake I ever had ❤️ You made my Day extra special .... Late but totally worth it ❤️ pic.twitter.com/hVvWWnGPwG
ބިރުވެރި ފިލްމަތަކަށް ޝައުގުވެރިކަން ހުންނަ އިއްލެއަށް މި ކޭކު ފޮނުވީ އެނާގެ ގާތް ރަހްމަތްތެރިޔެއްކަމަށްވާ ނިހާން އާއްމުން ނަމުންނަމަ އާނިއެވެ. ދުވަސްވެފައި އޮތް ބޮލުގެ ނާށިގަނޑެއް ހެން ފެންނަ މި ކޭކު ބަލާލަން ކުޑަކޮށް އެހެން ގޮތެކެވެ. އެހެންނަމަވެސް އާނިގެ ކްރިއޭޓިވްކަމާއި އެނާގެ ހުނަރާއި މެދު ބުނާނެ އެއްވެސް އެއްޗެއް ނެތެވެ. އެހާ ސަޅިވެފަ މޮޅީއެވެ. ކޭކަށް ކޮމެންޓްކުރި އެންމެންވެސް ވަނީ އާނިގެ މި ހުނަރަށް ތައުރީފު އޮއްސާލާފައެވެ.
"އަ ކޭކް ވިޝް ބައި އާނި " މި ބެނަރގެ ދަށުން ކޭކު އަޅަމުން އަންނަ ނިހާންއަކީ ރާއްޖޭގައި މި ދާއިރާއިން މިވަގުތު ހުރި އެންމެ ކުޅަދާނެ އެއް ފަންނާނޭ ބުނުން ދޮގަކަށް ނުވާނެއެވެ. އާނިގެ ކޭކުތައް ވަރަށް ތަފާތުވެފަ ވަރަށް ކްރިއޭޓިވްއެވެ. ހަމަ އަސްލާއި އެއްވެސް ތަފާތެއް ނުހުރެއެވެ.
ދާދި ފަހުން އާނި އޭނާގެ މަންމަގެ އުފަންދުވަހަށް ހަދިޔާއަކަށް ދިން މި ކޭކަށް ބަލާލުމުންވެސް އެކަން އެގެއެވެ. މީ ހަމަ ވަރުގަދަ ދިވެހި ކެއުން ގަޑެކެވެ. އެކަމަކު ފޮނި ރަހަލާ މީރު ކޭކެކެވެ.
އިއްލެގެ ކުރިޔަށް ހުރި މަސައްކަތްކަށް ބަލާއިރު އޭނާ އަންނަނީ ކަޒްމިކް އިންޓަރނޭޝަނަލާއި ގުޅިގެން ކުރި ފިލްމުތަކެއް އުފަައްދަމުންނެވެ. 45 މިނެޓްކުރު މި ފިލްމުތަކުގެ ތެރެއިން "މަޒްލޫމާ" އާއި އޭގެ ޗެޕްޓަރ ޓޫ "ޒަރޫކް"ގެވެސް ޓީޒަރ އިއްލެ ވަނީ ދައްކާލާފައެވެ.
މަޒްލޫމަކީ ވަޒީފާގެ މާހައުލުގައި ރޭފްގެ ޝިކާރައަކަށްވި ދެ އަންހެން ކުއްޖެއްގެ ވާހަކަތައް ގެނެސްދޭ ފިލްމެކެވެ. "ޒަރޫކް" އަކީ 11 އަހަރުގެ މާހިލް ލީޑްރޯލުން ފެންނަ މުޅިން ތަފާތު ކުރު ފިލްމެކެވެ.
އިލްޔާސް ވަހީދު ލިޔެ ޑައިރެކްޓްކުރި ސަސްޕެންސް ތްރިލާ "ބަވަތި" އަށްފަހު އެނާގެ ދެވަނަ ފީޗަރ ފިލްމު "ނީނާ" ވެސް ވަނީ ލޯންޗުކޮށްފައެވެ. މި ފިލްމުގެ މަސައްކަތް މަޑުޖެހިފައިވަނީ މިހާރު ދުނިޔެއަށް ދިމާވެގެން އުޅޭ ކޯވިޑް ބަލިމަޑުކަމާއި ހެދިއެވެ.
"ނީނާ" ގެ އިތުރުން އައި ފިލްމްސް އިން އަންނަނީ އެހެން ސީރީޒެއްގެވެސް މަސައްކަތް ކުރަމުންނެވެ. 15 އެޕިސޯޑްގެ މި ސިރީޒަށް ދީފައިވާ ނަމަކީ "ބިރުވެރި ވާހަކަ" އެވެ.