ނަން އަދި ހާމަނުކުރާ އެމެޒޯން އޮރިޖިނަލް ސީރީޒް "ދަ ލޯރޑް އޮފް ދަ ރިންގް" ގެ ސީރިޒް އަންނަ އަހަރުގެ ސެޕްޓެމްބަރުމަހު 2 ގައި ޕްރިމިއަރކުރަން ނިންމައިފިއެވެ.
އެމެޒޯން ޕްރައިމް ވިޑިއޯއިން ރިލީޒްކުރަން ހަމަޖެހިފައިވާ މި ސީރީޒް 240 އަށް ވުރެ ގިނަ ޤައުމުގައި އެއްފަހަރާ ރިލީޒްކުރާނެއެވެ. އަދި ކޮންމެ ހަފްތާއަކު ސީރީޒްގެ އައު އެޕިސޯޑެއް ފެންނާނެއެވެ.
ޖޭއާރްއާރް ޓޯކިއަންސްގެ ފޮތް "ދަ ހޮބިޓް އެންޑް ދަ ލޯރޑް އޮފް ދަ ރިންގްސް" ގެ މައަޗަށް އުފައްދާ ސީރީޒްގެ ފުރަތަމަ ސީޒަން އޯގަސްޓް 2 ގައި ސްވިޓްޒަރލޭންޑްގައި ޝޫޓްކޮށް ވަނީ ނިންމާފައެވެ.
ޕްރިމިއަރ ކުރާނެ ތާރީޚާއިއެކު ސިރީޒްގެ ފުރަތަމަ ލުކްވެސް އެމެޒޯން ސްޓޫޑިއޯއިންވަނީ ދައްކާލާފައެވެ.
މި ސީރީޒްގައި ދައްކާނީ ޖޭއާރްއާރްގެ ފޮތުގައިވާ ހާދިސާތައް ކުރިމަތިވުމުގެ 1000 އަހަރު ކުރިން ހިނގާ ކަންތައްތަކެކެވެ. އަދި ބައެއް އައު ތަރިންނާއި ކުރީގެ ތަރިންވެސް ސީރީޒްގައި ފެނިގެންދާނެކަމަށް އެމެޒޯން އިން ބުނެއެވެ.
މި ސީރީޒް އަކީ އެމެޒޯންއިން އުފައްދާ އަގުބޮޑު ސީރީޒެކެވެ. ފުރަތަމަ ސީޒަން އުފެއްދުމަށް އެކަނިވެސް ގާތްގަޑަކަށް 465 މިލިއަން އެމެރިކާ ޑޮލަރު ޚަރަދުވެފައިވާ ކަމަށް އެމެޒޯން އިން ބުނެއެވެ.