ރެޑް ޗިލީސް އެންޓަރޓެއިންމަންޓް އާއި ދްރިޝްޔަމް ފިލްމުން އުފައްދާ "ލްވް ހޮސްޓެލް" ގެ ޝޫޓިންތައް އިއްޔެ ނިންމާލައިފިއެވެ.
އިންޑިއާގެ ތިން ސަރަޙައްދެއް ކަމަށްވާ މުމްބާއި، ބޯޕާލް އަދި ޕަޓިއާލާގައި ކުރިއަށްގެންދިޔަ ޝޫޓިންތައް ނިންމާލީ 40 ދުވަހުގެ ޝެޑިއުލަކަށްފަހުއެވެ. ޝޫޓިންތައް ކުރިއަށްގެންދިޔައީ ކޯވިޑްގެ ބަލިމަޑުކަމަށް އަޅަންޖެހޭ ރައްކާތެރިކަމުގެ ހުރިހާ ފިޔަވަޅުތަކެއް އަޅައިގެންކަމަށް ޕްރޮޑަކްޝަން ޓީމުން ބުނެއެވެ.
ތަރިންގެ ގޮތުގައި މި ފިލްމުގައި ފެނިގެންދާނީ ބޮބީ ޑިއޯލް، ވިކްރާންތް މާސޭ އަދި ޝަނާޔާ މަލޯތްރާއެވެ.
ތްރިލަރ ކްރައިމް "ލަވް ހޮސްޓެލް" ޑައިރެކްޓްކޮށް އަދި ލިޔެފައިވަނީ ޤައުމީ އެވޯޑް ހާސިލްކޮށްފައިވާ ސިނަމޮޓޮގްރާފަރ ޝަންކަރު ރާމަން އެވެ. އަދި މިއީ ރެޑް ޗިލީޒް އެންޓަޓެއިންމަންޓާއި ދްރިޔަޝަން ފިލްމުން އެކުގައި ގެނެސްދޭ ދެވަނަ ފިލްމެވެ. މީގެކުރިން މިދިޔަ އަހަރު ދެ ފަރާތުން ވަނީ ފިލްމު "ކާމިޔާބު" ގެނެސްދީފައެވެ.