ތިގް މަންޝޫ ދުލިއާގެ ކުރިއަށް އޮތް ވެބް ސީރީޒް "ސިކްސް ސަސްޕެކްޓްސް" ގައި އެކްޓަރ ރިއާ ޗައްޑާ އަދި ޕްރަތިކް ގާންދީ ފެނިގެންދާނީ އިންވެސްޓިގޭޓިން އޮފިސަރުންގެ ރޯލުންނެވެ.
ރިޗާ ވަނީ ސިރީޒްގައި އޭނާ ފެންނާނެ ލުކް ވެސް ދައްކާލާފައެވެ. މިއާއިއެކު ރިޗާ ބުނީ މިއީ އޭނާ އިންވެސްޓިގޭޓް ކުރާ އެންމެ ގޮތްނޭގޭ މަރު ކަމަށާއި މި ސީރީޒްގައި އޭނާގެ ރޯލަކީ އުދަގޫ ރޯލެއްކަމަށްވެސް އޭނާ ވަނީ ބުނެފައެވެ. އަދި "ޕާން ސިންގް ތޯމަރު" އަށްފަހު ޑައިރެކްޓަރ ތިގް މަންޝޫއާއެކު މަސައްކަތް ކުރަން ބޭނުންވެފައި ހުރިކަމަށްވެސް ރިޗާ ވަނީ ބުނެއެވެ.
މި ސީރީޒްގައި ޕްރަތިކް ފެންނާނެ ރޯލާއި ގުޅޭ ގޮތުން އޭނާ ބުނީ މިއީ އޭނާއަށް އައު ރޯލެއްކަމަށާއި ބެލުންތެރިންނަށް އޭނާ ފެންނާނީ މުޅިން އައު މީހެއްގެ ގޮތުގައި ކަމަށެވެ.
2008 ވަނަ އަހަރު ނެރުނު ވިކާސް ސްވަރްޕޫސް ގެ ނޮވެލް "ސިކްސް ސަސްޕެކްޓްސް" ގެ މައްޗަށް އުފައްދާފައިވާ މި ސިރީޒްގެ ޕްރޮޑިއުސަރުންނަކީ އަޖޭ ދޭވްގަން ފިލްމްސް އަދި ރިއަލް އެންޓަރޓެއިންމެންޓްއެވެ.
މި ސީރީޒް ވަރަށް އަވަހަށް ޑިޒްނީ ޕްލަސް ހޮޓް ސްޓާއިން ރިލީޒްކުރަންވެސް ވަނީ ހަމަޖެހިފައެވެ.