މާވެލްގެ އެހެން ފިލްމުތަކެކޭ އެއްގޮތަށް "ބްލެކް ވިޑޯ" ވެސް ސިނަމާތަކުގައި ރިލީޒްކުރަން ހަމަޖެހިފައި އޮއްވައި އެ ފިލްމުގެ އޯޓީޓީ ރިލީޒްއަކަށް ދިއުމުން ފިލްމުގެ ލީޑް ކާސްޓް ސްކާލެޓް ޖޯންސަން ޑިޒްނީ އާއި ދެކޮޅަށް ކޯޓަށް މައްސަލަ ހުށަހައަޅައިފިއެވެ.
ކޯވިޑްގެ ހާލަތަށް ފަހު ފުރަތަމަ ރިލީޒްކުރި ފިލްމުތަކުގެ ތެރޭގައި މާވެލްގެ "ބްލެކް ވިޑޯ" ހިމެނެއެވެ. މިއާއި އެކު ފިލްމު ނެރުނުތާ ކައިރީ ވަރަށް ރަނގަޅަށް ފިލްމު ހިނގިއެވެ. އެހެންނަމަވެސް މި ފިލްމަށް ލިބުނީ 319 މިލިއަން ޑޮލަރެވެ. މީ މާވެލްގެ ތާރީހުގައިވެސް މިހާ މަދުން އާމްދަނީ ލިބުނު ފިލްމެވެ.
ފިލްމު ދައްކަން ތާވަލުކޮށްފައި އޮތް ބައެއް ސަރައްޙަދުތަކުގެ ސިނަމާތައް ބަންދުކޮށްފައި ހުރުމުގެ ސަބަބުން ޑިޒްނީން ނިންމީ ފިލްމު ހަމައެކަނި ސިނަމާތަކުގައި ރިލީޒްނުކޮށް ސްޓްރީމިން ޕްލެޓްފޯމަކުންވެސް ފިލްމު ފެންނޭގޮތް ހެދުމެވެ. ނަމަވެސް މި ނިންމުން ސްލާލެޓަށް ކަމަކު ނުދިޔައެވެ. އެނާ ވަނީ މި މައްސަލަ ލޮސް އެންޖަލިސްގައި ހުންނަ ސުޕީރިއަރ ކޯޓަށް ހުށަހަޅާފައެވެ.
ސްލާލެޓްގެ ވަކީލުން ބުނީ ޑިޒްނީން އަމަލުކޮށްފައިވަނީ އެތަނުން ހަދާފައިވާ އެއްބަސްވުމާއި ހިލާފަށެވެ. އަދި އެކަމުގެ ސަބަބުން ފިލްމުގެ ޓިކެޓް ވިޔަފާރި ދަށްވެފައިވާކަމަށެވެ. ސްކާލެޓް މި ފިލްމު ކުޅެގެން ލިބުނު އާއްމަދަނީގެ އިތުރުން ފިލްމުގެ ވިޔަފާރި ވަކިވަރަކަށްވުރެ އިތުރުވުމުންވެސް ސްކާލެޓަށް ބޯނަސް ލިބޭގޮތަށް ވަނީ އެއްބަސްވެފައެވެ. އެހެންނަމަވެސް މި އެއްބަސްވުމާއި ޑިޒްނީ ހިލާފުވެފައިވާކަމަށް ސްކާލެޓަށް ބޯނަސްގެ ގޮތުގައި ލިބޭ 50 މިލިއަން ޑޮލަރު ލިބިފައިނުވާކަމަށްވެސް އޭނާގެ ޤާނޫނީ ޓީމުން ބުނެއެވެ.