އިނގިރޭސިވިލާތުގެ ޝާހީ އަޢިލާގެ ދިރިއުޅުމުގެ މައްޗަށް އުފައްދާފައިވާ އެޗްބީ އޯ މެކްސްގެ އެނިމޭޓެޑް ޝޯ "ދަ ޕްރިންސް" ގެ ޓްރެއިލަރ ދައްކާލައިފިއެވެ. ޝާހީ ޢާއިލާގެ އެކި މީހުންގެ ތަޢާރަފް މި ޓްރެއިލަރގައި ދައްކާލާއިރު ބޮޑަށް ފޯކަސް ކޮށްފައިވަނީ ޕްރިންސް ޖޯޖްގެ އަޑުއަޅާފައިވާ ގެރީ ޖެނެޓް އަށެވެ.
މޭގަން މާކެލް އަދި ޕްރިންސް ހެރީ ލޮސްއެޖަލިސްގައި ދިރިއުޅޭގެ ވެސް މި ޓްރެއިލަރގައި ދައްކާލައެވެ.
މަޝްހޫރު ފަންނާނުންތަކެއް އަޑުއަޅާފައިވާ މި ސީރީޒް ޕްރިމިއަރ ކުރުމަށް ހަމަޖެހިފައިވަނީ 12 އެޕިސޯޑާއެކުގައެވެ.
ސީރީޒްއަށް އަޑުއަޅާފައިވަ މަޝްހޫރު ފަންނާނުންގެ ތެރޭގައި ޕްރިންސް ހެރީގެ އަޑު އަޅާފައިވާ އޮލާންޑޯ ބްލޫމް، ޕްރިންސެސް ޝެރޮލެޓްގެ އަޑުއަޅާފައިވާ ސޯފީ ޓާނަރ ، ޕްރިންސް ޗާލްސްގެ އަޅުއަޅާފައިވާ ޑޭން ސްޓީވެންސް، މޭގަން މާކްލްގެ އަޑުއަޅާފައިވާ ކޮންޑޯލާ ރަޝާދު، ކޭޓް މިޑްލްޓަންގެ އަޑު އަޅާފައިވާ ލޫސީ ޕަންޗް، ޖޯޖްގެ ބަޓްލަރ އަޑުއަޅަފައިވާ އެލެން، ރާނީ އެލިޒަބަތް 2 ގެ އަޑު އަޅާފައިވާ ފްރާންސަސް ދެ ލާ ޓުއަރ އަދި ޕްރިންސް ވިލިއަމްގެ އަޑުއަޅާފައިވާ އިވާން ރިއޯން ހިމެނެއެވެ.
މިދިޔަ މެއި މަހު ރިލީޒްކުރަން ތާވަލުކޮށްފައިވާ މި ސީރިޒް ރިލީޒްކުރުން ލަސްކޮށްފައިވަނީ ރާނީގެ ފިރިކަލުން ޕްރިންސް ފިލިޕް އޭޕްރީލް މަހު އަވަހާރަވުމާއި ގުޅިގެންނެވެ.