މީހާރު ކުރިޔަ އަރަމުން އަންނަ ތަރި ތާފްސީ ޕަންނޫ ޕްރޮޑަކްޝަނަށް ނުކުމެ އަމިއްލަ ޕްރޮޑަކްޝަން ހައުސްއެއް ލޯންޗުކޮށްފިއެވެ. މި ހައުސަށް އޭނާ ދީފައިވާ ނަމަކީ "އައުޓްސައިޑަރސް ފިލްމްސް" އެވެ.
11 އަހަރަށްވުރެ ގިނަ ދުވަހު އިންޑަސްޓްރީގައި މަސައްކަތްކޮށްފައިވާ ތާޕްސީ ބޭނުންވަނީ މި ޕްރޮޑަކްޝަން ހައުސް މެދުވެރިކޮށް މި ދާއިރާއަށް އަލަށް ނިކުންނަން ބޭނުންވާ ފަންނާނުންނަށް އެހީވެދިނުމަށެވެ. ތާޕްސީ ވަނީ އޭނާގެ ޕްރޮޑަކްޝަން ހައުސްއިން ނެރޭ ފުރަތަމަ ފިލްމުވެސް އިޢުލާންކޮށްފައެވެ.
ޓުވިޓަރގައި މިކަން ހާމަކޮށް ތާޕްސީ ބުނީ އޭނާގެ ޕްރޮޑަކްޝަން ހައުސްގެ ފުރަތަމަ އުފެއްދުމަކީ "ބްލާރ" ކަމުގައެވެ. ތާޕްސީވެސް ފެންނާނެކަމަށް ބުނާ މި ފިލްމު ޑައިރެކްޓްކުރަނީ އަޖޭބާލް އެވެ. އަޖޭ މީގެކުރިން ވަނީ "ސެކްޝަން 375" އަދި "ބީއޭ ޕާސް" ޑައިރެކްޓްކޮށްފައެވެ.
You haven’t seen it all….
— taapsee pannu (@taapsee) July 15, 2021
As yet! #Blurr pic.twitter.com/jKihV7O5ci
ޕްރޮޑަކްޝަން ހައުސްގެ އިތުރުން ބެޑްމިންޓަން ޓީމަކާއި ކައިވެނި ޙަފްލާތައް ރާވާ ހިންގާ ކުންފުންޏެއްވެސް ތާޕްސީ ހިންގައެވެ.
ތާޕްސީ ގެ އެންމެ ފަހުގެ ފިލްމު "ޙަސީން ދލްރުބާ" ރަނގަޅު އާމްދަނީއެއް ލިބެމުން އަންނައިރު އެ ފިލްމަށް ކްރެޓިކްސް އިން ވަނީ ވަރަށް ބޮޑަށް ތައުރީފުކޮށްފައެވެ. އަދި އެ ފިލްމެއްގެ ދެވަނަ ބަޔަކަށް އިންތިޒާރުކުރާކަންވެސް ބައެއް މީހުންވަނީ ބުނެފައެވެ.
ތާފްސީ ދެން އެންމެ އަވަހަށް މަސައްކަތް ފަށާނީ "ޝާބަޝް މީތޫ" ގެ ޝޫޓިނ އެވެ. "ރަޝްމީ ރޮކެޓް"، "ލޫޕް ލަޕޭޓާ" އަދި "ދޮބާރާ" އަކީ ތާޕްސީގެ ކުރިއަށްހުރި ފިލްމުތަކެވެ.