ކޯވިޑްގެ މަލިމަޑުކަން ފެތުރުނު ފަހުން ނެރުނު މާވެލްގެ ފުރަތަމަ ފިލްމު "ބްލެކް ވިޑޯ" އަށް ބޮކްސް އޮފީހުގައި ބޮޑު ތަރުޙީބެއް އަންނަނީ ލިބެމުންނެވެ.
ބަލިމަޑުކަމުގެ ތެރޭގައި ރިލީޒްކުރި ވިން ޑީސަލްގެ "ފާސްޓް އެންޑް ފިއުރިއަސް 9" އަށްވެސް ސިނަމާތަކުން ރަގަޅު ތަރުޙީބެއް ވަނީ ލިބިފައެވެ. "ބްލެކް ވިޑޯ" އަކީ ބަލިމަޑުކަމަށްފަހު އެމެރިކާގެ ސިނަމާތަކަށް އައި އެންމެ ރަގަޅު އެއް ފެށުން ކަމުގައިވެސް ކްރިޓިކްސް ލިޔާ މީހުން ބުނެއެވެ.
މި ފިލްމަށް ބުރާސްފަތި ދުވަހު 13.2 މިލިއަން އެމެރިކާ ޑޮލަރު ލިބިފައިވާއިރު ހުކުރު ދުވަހު ވަނީ 26.3 މިލިއަން އެމެރިކާ ޑޮލަރު ލިބިފައެވެ. ބޮކްސް އޮފީހުގައި މި ފިލްމުން ތިން ދުވަސް ތެރޭގައި 89 މިލިއަން އެމެރިކާ ޑޮލަރު ހޯދާފައިވާއިރު މިއީ ބަލިމަޑުކަމުގެ ތެރޭގައި އެންމެ ބޮޑު ފައިދާއެއް ލިބުނު ފިލްމެވެ.
"އެފް 9" ރިލީޒްކުރި ހަފްތާގައި ވަނީ 70 މިލިއަން އެމެރިކާ ޑޮލަރު ހޯދާފައެވެ. ނަމަވެސް ސްކާރލެޓް ލީޑްރޯލުން ފެނިގެންދާ "ބްލެކް ވިޑޯ" އިން "އެފް 9" ފަހަތަށް ޖައްސާނެކަމަށް ގިނަ ބޮކްސް އޮފީސް ދިރާސާކުރާ މީހުން ބުނެއެވެ.
"ބްލެކް ވިޑޯ" މިހާތަނަށް ފިލްމު ރިލީޒްކޮށްފައިވަނީ ޖަރުމަނުވިލާތް، ރަޝިއާ، އޮސްޓްރޭލިއާ، ޖަޕާން ، ކޮރެއާ، ބްރެޒިލް އަދި މެކްސިކޯއެވެ. ބޭރުގެ މި މާރކެޓްތަކުން 22.4 މިލިއަން އެމެރިކާ ޑޮލަރު ލިބޭނެކަމަށްވެސް މިހާތަނަށްވަނީ ލަފާކޮށްފައެވެ.