ރޮބާރޓް ޖޯރޑަންގެ ފެންޓަސީ ނޮވެލް ސީރީޒް "ދަ ވީލް އޮފް ޓައިމް" މައްޗަށް ހަދާ ޓީވީ ސީރީޒް މިއަހަރު ރިލީޒް ކުރަން މިހާރު ހުރިހާ ކަމެއް ވަނީ ނިމިފައެވެ.
އެމެޒޯން ސްޓޫޑިއޯއިން ރިލީޒްކުރަން ހަމަޖެހިފައިވާ މި ސީރީޒްގައި ފެނިގެންދާނީ 2014 ވަނަ އަހަރު ދެއްކި ފިލްމު "ގޯން ގާރލް" ގެ ތަރި ރޮސާމުންދް ޕައިކް އެވެ. ރޮސާމުންދްގެ އިތުރުން ޑެނިއަލް ހެނޭ، ޖޯޝާ ސްޓްރާޑޯސްކީ، މާރކަސް ރުތަރފޯރޑް، ޒޯއީ ރޮބިންސް، ބާރނޭ ހެރިސް އަދި މެޑެލިން މަޑެން ވެސް މި ސީރީޒުން ފެނިގެންދާނެއެވެ.
ސިރީޒްގެ އެކްޒެކެޓިވް ޕްރިޑިއުސަރަކީ ރާފޭ ޖޫޑްކިންސް މީގެއިތުރުން ސީރީޒްގެ ވާހަކަ ލިޔެފައިވަނީވެސް އޭނާއެވެ. ސިރީޒްގެ ސީޒަން 1 ޕްރިމިއަރ ކުރުމުގެ މަގުމަތީގައި އޮތްއިރު ދެވަނަ ސީޒަންގެ މަސައްކަތްވެސް ޕްރޮޑަކްޝަން ޓީމުން މިހާރުވަނީ ފަށާފައެވެ.
މިއަހަރު ރިލީޒްކުރާ މި ސީރީޒް ގައި ހިމެނޭ އެޕިސޯޑްތަކަކީ "ލީވް ޓޭކިންގ" ، "ޝެޑޯސް ވެއިޓިންގ" ، "އަ ޕްލޭސް އޮފް ސޭފްޓީ" ، "ދަ ޑްރެގަން ރީބޯރން" ، "ބްލްޑް ކޯލްސް ބްލަޑް" އަދި "ދަ ފްލޭމް އޮފް ތާރް ވެލޮން" އެވެ.