އެއްގަމުގޭ އައްނަބީލާ ޖަމީލާ އިބްރާހީމް ދީދީ ކޯވިޑް ބަލީގައި އަވަހާރަވެއްޖެއެވެ.
ރާއްޖޭގެ ކުރީގެ ބޮޑުވަޒީރު އަދި ރައްޔިތުންގެ މަޖިލީހުގެ ރައީސްކަންވެސް ކުރައްވާފައިވާ ސުމުއްވުލް އަމީރު އިބްރާހީމް ފާމުލަދޭރި ކިލެގެފާނު ނުވަތަ އަލްއަމީރު އިބްރާހީމް ޢަލީ ދީދީގެ ދަރިކަނބަލުން އައްނަބީލާ ޖަމީލާ އިބްރާހީމް ދީދީ އުމުރުފުޅުން 90 އަހަރުގައި އަވަހާރަވީ ދަރުމަވަންތަ ހޮސްޕިޓަލުގައި ފަރުވާދެމުންދަނިކޮށް ރޭގެ ވަގުތެއްގައެވެ.
މިއީ ކޯވިޑް ބަލީގައި ރާއްޖެއިން ނިޔާވި 211 ވަނަ މީހާއެވެ. މީގެ ތެރޭގައި ހިމެނެނީ 192 ދިވެހިންނާއި 19 ބިދޭސީންނެވެ.
ޖަމީލާ އިބްރާހީމް ދީދީ އަކީ ރައްޔިތުންގެ މަޖިލީހުގެ ރައީސްކަން ކުރައްވާފައިވާ ފަޟީލަތުއްޝައިޚް އަޙްމަދު ޝާޠިރުގެ ހުވަފަތް އަނބިކަނބަލުންނެވެ.
ފަޟީލަތުއްޝައިޚް އަޙްމަދު ޝާޠިރު އަަވާހާރަވެފައިވަނީ 1994ވަނަ އަހަރުގައެވެ.