ކާމިޔާބު ޕްރޮޑަކްޝަން ހައުސް ޑާކްރެއިން އެންޓަޓެއިންމަންޓްގެ ނުކުންނަން ތައްޔާރުވަމުންދާ ލޯބީގެ ފިލްމު "ނޮވެމްބަރ" ގެ ޓިޒާ ދައްކާލައިފިއެވެ.
ޑްކްރެއިންގެ 13 ވަނަ ފީޗަރ ފިލްމު "ނޮވެމްބަރ" ރިލީޒްކުރަން ފުރަތަމ ނިންމާފައި އޮތީ 2020 ވަނަ އަހަރުއެވެ. އެހެންނަމަވެސް ކޯވިޑާއި ގުޅިގެން ފިލުމް ރިލީޒްކުރުން ފަސްވެފައި އޮތް ނަމަވެސް މި ފިލްމުގެ ހިތްގައިމު ޓީޒާކޮޅެއް މިވަނީ ފޭނުންނަށް ދޫކޮށްލާފައެވެ.
ޓިޒާ ކޮޅު ފަށަނީ ފިލްމުގެ މުހިއްމު ރޯލަކުން ފެނިގެންދާ މަޝްހޫރު ޓީވީ ޕްރެޒެންޓަރ މޫސާ ވަސީމްގެ އަސަރު ގަދަ ލޯބީގެ މެސެޖަކުންނެވެ. މޫސަގެ ސުވާލަކީ "ސޯލް މޭޓްސް އަކީ ހަގީގަތެއްތޯއެވެ. ނުވަތަ އެއީ ހަމައެކަނި ފިލްމުތަކާއި ވާހަކަތަކާއި ފަލްސަފާ ތަކުގައި ހިމެނޭ ޖާޒުބީ ހިޔާލެއްތޯއެވެ. މޫސަގެ މި ސުވާލުތަކަށް ޖަވާބު ދެއްވަނީ ސޯދުބެއެވެ. ޓީޒަރގެ ބަކީ ބައި ބަލަން ދޫކޮށްލަމެވެ.
ލޯބީގެ ކާމިޔާބު ފިލްމަތަކެއް ގެނެސްދީފައިވާ ޑާކްރެއިންގެ "ނޮވްމެބަރ" އަކީ ޢާއިޝަތު ފުއާދު ތައުފީޤާއި ޢަހްމަދު ޠަލާލްގެ ސްކްރީން ޕްލޭއެކެވެ. ފިލްމުގެ ޑައިރެކްޓަރަކީ ޑާކްރެއިންގެ ކާމިޔާބު ޑައިރެކްޓަރ އަލީ ޝިފާއު (ޗިއްޕެ)އެވެ. ޗިއްޕެ ވަނީ ފިލްމުގެ ޑައިރެކްޝަންގެ އިތުރުން ފިލުމުގެ ބައެއް މަންޒަރުތައް ނެގުމުގައި ކެމެރާމަނެއްގެ ރޯލްވެސް އަދާކޮށްފައެވެ. ފިލްމުގެ ކޯ ޑައިރެކްޓަރަކީ ޢާއިޝަތު ފުއާދެއެވެ.
"ނޮވެންބަރު" ގެ ލީޑް ރޯލުން ފެނިގެންދާނީ ޑާކްރެއިންގެ ކާމިޔާބު ޖޯޑު ޖުމައްޔިލް ނިމާލާއި މަރިޔަމް މަޖުދާއެވެ. މީގެއިތުރުން ފިލްމުގެ މުހިއްމު ރޯލަކުން ކުރީގެ ތަރި އިސްމާއިލް ވަޖީހާއި ފިލުމުގެ ޑައިރެކްޓަރ ޗިއްޕެގެ އަންހެންނުން އައިޝަތު ޔާދާވެސް ހިމެނެއެވެ.
މި ފިލްމުގެ މުހިއްމު މަންޒަރުތައް ސިންގަޕޫރްގައިވެސް ވަނީ ނަގާފައެވެ. މީގެއިތުރުން ލ އަތޮޅާއޮ އައްޑޫ ސިޓީއާއި މާލެ އަތޮޅު ތުލުސްދޫގައިވެސް ފިލުމުގެ ގިނަ މަންޒަރުތަކެއް ވަނީ ނަގާފައެވެ.