މިއަހަރު ފެބްރުއަރީ މަހު ދެއްކި ތެލުގޫ ހިޓް ފިލްމު "ނާންދީ" ހިންދީ ރީމޭކުގައި އަޖޭ ދޭވްގަން މަސައްކަތްކުރާނެކަމަށް އޭނާ ބުނެފިއެވެ. މީގެ އޮރިޖިނަލް ފިލްމުގައި ސޫރަޔާ ޕްރަކާޝްގެ ރޯލުން ފެނިފައިވަނީ ތެލުގޫ އެކްޓަރ އައްލާރީ ނަރޭޝްއެވެ.
މިއަހަރުގެ ނޮވެމްބަރު މަހު ރިލީޒްކުރަން ހަމަޖެހިފައިވާ ސްޕޯރޓްސް ޑްރާމާ ފިލްމު "ޖާރޒީ" ގެ އެއް ޕްރޮޑިއުސަރ ދިލް ރާޖު ޕްރޮޑިއުސް ކުރާ މި ފިލްމުގެ އިތުރު މަޢުލޫމާތެއް އަޖޭވެސް އަދި ޕްރޮޑަކްޝަން ޓީމުންވެސް އަދި ހާމައެއް ނުކުރެއެވެ.
އޮރިޖިނަލް ފިލްމު "ނާންދީ" ކޯޓް ޑްރާމާއެކެވެ. ކްރިޓިކާއި ގިނަ ބައެއްގެ ތައުރީފު ލިބިގެންދިޔަ މި ފިލްމުގެ ވާހަކަ ބިނާކޮށްފައިވަނީ ޝަރުއީ ނިޒާމުގައި ހުރި މައްސަލަތަކެއްގެ ސަބަބުން ކުށެއްނެތި މަރެއްގެ ދޮގު ތުޙުމަތެއްގައި ޖަލަށްލާފައި ހުރި މީހެއްގެ ޙަޔާތުގައި ދިމާވާ ކަންތައްތަކެއްގެ މައްޗަށެވެ.
މި ފިލްމުގެ ހިންދީ ރީމޭކް ތައްޔާރުކުރަނީ އަޖޭގެ އަމިއްލަ ޕްރޮޑަކްޝަން ހައުސް އޭޑީ ފިލްމްސާއި ދިލް ރާޖު ގުޅިގެންނެވެ.
Time to share an important story with all! @DilRajuProdctns and @ADFFilms are all set to produce the Hindi remake of the Telugu hit, Naandhi! @SVC_official @Meena_Iyer @kuldeeprathor9 @ParagDesai #MumbaiTalkeez #NaandhiInHindi pic.twitter.com/jxLAodGeWp
— Ajay Devgn (@ajaydevgn) June 25, 2021
މިދިޔަ ފެބްރުއަރީ މަހު ރިލީޒްކުރި ތެލުގޫ ފިލުމުގެ މުހިއްމު ކާސްޓުންގެ ގޮތުގައި ފެނިގެންދިޔައީ ވަރަލަކްޝްމީ ސަރަތު ކުމާރު، ޕްރިޔާދަރްޝީ، ހަރީޝް އުތަމާން، ވިނޭ ވަރުމާ އަދި ޕްރަވީންއެވެ.
ވެބް ޝޯ "ރުދުރާ" ގެ މަސައްކަތް އަޖޭ މިހާރު ކުރަމުންދާއިރު އޭނާގެ ކުރިއަށް ހުރި ފިލްމުތަކުގައި ތެރޭގައި އެސްއެސް ރާޖް މޯލީގެ "އާރްއާރްއާރް" ސަންޖޭ ލީލާ ބަންސާލީގެ "ގަންގޫބާއި ކާތިއާވާދީ" އަދި ފުޓްބޯޅަ ލެޖެންޑް ސައްޔިދު އަބްދުއްރަޙީމްގެ މައްޗަށް ހަދާ ބަޔޯޕިކް '"މައިދާން" ވެސް ހިމެނެއެވެ.