"ފާސްޓް އެންޑް ފިއުރިއަސް"ގެ ދެން އަންނަން އޮތް ބައިން ގްރެމީ އެވޯޑް ޙާޞިލްކޮށްފައިވާ ކާޑީ ބީ ފެނިގެންދާނެކަމަށް ފިލްމުގައި ޑޮމްގެ ރޯލުން ފެނިގެންދާ އެކްޓަރ ވިން ޑީސަލް ކަށަވަރުކޮށްދީފިއެވެ.
ޕޮޕް ސްޓާރ ކާޑީ ބީ މި ފިލްމުގައި ފެނިގެންދާނީ ޑޮމް އާއި ގުޅުން އޮންނަ ލީޝާގެ ރޯލުންނެވެ. "ފާސްޓް އެންޑް ފިއުރިއަސް"ގެ ނުވަ ވަނަ ބައި ޕްރިމިއަރ ކުރުމުގެ ތެރެއިން ވިން ޑީސަލް ބުނެފައިވަނީ އެ ކެރެކްޓަރ ގެނެސްދިނުމަށް ވަރަށް ބޭނުންވެފައި ހުރިކަމަށެވެ. އަދި ކާޑީ ބީ ވެސް ވަނީ މިކަން އުފަލާއެކު ޤަބޫލުކޮށްފައިކަމަށް ހަބަރުތައް ބުނެއެވެ. ލީޝާގެ ރޯލަކީ ފިލްމުގައު މުހިއްމު ރޯލެއްކަމުން މި ރޯލް ވަރަށް ފުރިހަމަވާންޖެހޭކަމަށްކާޑީ ބީ ވެސް ވަނީ ބުނެފައެވެ.
ކާޑީ ބީގެ އެންމެފަހުގެ އަލްބަމް "އިންވޭޝަން އޮފް ޕްރައިވެސީ" ރިލީޒްކޮށްފައިވަނީ 2018 ވަނަ އަހަރުއެވެ. އަދި މިއަހަރު އޭނާ ވަނީ ސޯލޯ ސިންގަލް "އަޕް" ވެސް ރިލީޒް ކޮށްފައެވެ.