ނެޓްފްލިކްސްގެ އަންނަ އޮތް ތްރިލަރ ފިލްމު "އެޓްލާސް" ގައި މަސައްކަތް ކުރުމަށް އެކްޓްރެސް ޖެނިފަރ ލޮޕޭޒް ނެޓް ފްލިކްސްއާއިއެކު ސޮއި ކޮށްފިއެވެ. ޚަބަރުތައް ބުނާ ގޮތުގައި ފިލްމުގެ އެއް ޕްރޮޑިއުސަރަކީވެސް ޖެނިފަރއެވެ.
ބްރެޑް ޕޭޓަން ޑައިރެކްޓުކޮށްފައިވާ މި ފިލްމަކީ ލިއޯ ސަރިދޭރިއަންސްގެ އޮރިޖިނަލް ސްކްރިޕްޓަކަށް އެރޮން އެލީ ލިޔެފައިވާ ވާހަކައެއްގެ މައްޗަށް ހަދާ ފިލްމެކެވެ. މި ފިލްމުގައި ދައްކުވައިދޭނީ އަންހެނަކު އިންސާނިއްޔަތަށް ޓަކައި ކުރާ މަސައްކަތެވެ.
އޭސްއޭޕީ އެންޓަރޓެއިންމަންޓަށް މި ފިލްމު ޕްރޮޑިއުސް ކުރާނީ ޕޭޓަން އަދި ޖެފް ފިއާރސަން އެވެ. ސޭފް ހައުސް ޕިކްޗާރސްއިން ޖޮބީ ހެރޯލްޑް އަދި ޓޯރީ ޓަނެލް ޕްރޮޑިއުސް ކުރާއިރު ނުޔޯރިކަން ޕްރޮޑަކްޝަނުން ޕްރޮޑިއުސް ކުރާނީ ޖެނިފަރ އަދި ބެނީ މެޑީނާ އެވެ.
ޖެނިފަރ އެންމެ އަވަހަށް ފެނިގެންދާނީ ޔުނިވާރސަލް ގެ ރޮމޭންޓިކް ފިލްމު "މެރީ މީ" އިންނެވެ. ޖެނިފަރ އާއެކު ދެން އެ ފިލްމުގައި ފެނިގެންދާނީ އޯވެން ވިލްސަން އެވެ. މީގެއިތުރުން "ޝޮޓްގަން ވެޑިން " އަކީވެސް ޖެނިފަރގެ ކުރިއަށް އޮތް ފިލްމެކެވެ. މި ދެ ފިލްމުވެސް ރިލީޒް ކުރަން ތާވަލުކޮށްފައިވަނީ އަންނަ އަހަރުއެވެ.