ގިނަ ބަޔަކަށް ޓާޒަންގެ ގޮތުގައި މަޝްހޫރުވެގެންދިޔަ ހޮލީވުޑްގެ ތަރި ޖޯ ލާރާ މަރުވެއްޖެއެވެ. އެނާ މަރުވީ ދަތުރުކުރަމުންދިޔަ ފްލައިޓް ވެއްޓިއެވެ. މި ހާދިސާގައި އޭނާގެ އަންހެނުން ގްވެން ލާރާ ވެސް ވަނީ މަރުވެފައެވެ.
ހަބަރުތައް ބުނާ ގޮތުން ލާރާއާއި އޭނާގެ އަންހެނުންގެ އިތުރުން އިތުރު ފަސް މީހަކު ދަތުރުކުރަމުންދިޔަ ކުޑަ ޖެޓް ވެއްޓުނީ އުދުއްސާލިތާ މާގިނަ އިރުތަކެއް ނުވަނީސް އެވެ. މި ފްލައިޓް ވެއްޓުނީ އެއަރޕޯޓާއި ދާދި ކައިރީގައި އޮތް ކޯރަކަށެވެ.
ޖޯ ފެނިގެންދިޔަ އެޕިކް އެޑްވެންޗަރ ފިލްމު ޓާޒަންގެ އަކީ ވަރަށް މަޝްހޫރުކަން ހޯދި ފިލްމެކެވެ. އޭގެ ކާޓޫން އަސްލަކަށް ބަލައިގެން އުފެއްދި މި ފިލްމު އެކި ބަހުން އެކި ވާހަކަތަކަށް އުފައްދާފައިވެއެވެ. ތާޒަންގެ އިތުރުން ޖޯގެ ރޯލްތައް ފެނިގެންދިޔަ މަޝްހޫރު ފިލްމުތަކުގެ ތެރޭގައި "ބޭ ވޮޗް" ، "އެމެރިކަން ސައިބޯގް" "ސްޓީލް ވޮރިއަރ" އަދި " ކެނޮން އެޑްވެންޗަރ" ހިމެނެއެވެ.