ކުރުމުއްދަތަށް ޖައްވު
ނުސާފްކުރާ މައްދާތައް މަދުކުރުމަށް ރާއްޖޭގައި ކުރެވޭ މަސައްކަތްތައް
އިތުރުކުރުމުގެ ގޮތުން ކަމާގުޅޭ އިދާރާތަކުން ބައިވެރިވާ މަސައްކަތު
ބައްދަލުވުމެއް ފަށައިފިއެވެ.
ޝީ ބިލްޑިންގ ގައި
މިއަދު ފެށި މިމަސައްކަތު ބައްދަލުވުމަކީ މޫސުމާ، ހަކަތައާ، ޞިއްޙަތު އަދި
އިޤްތިޞާދީ އެކިއެކި ސިނާޢަތްތަކަށް ނުރަނގަޅު އަސަރުކުރުވާ މާއްދާތަކެއްކަމަށްވާ
"ޝޯޓް-ލިވްޑް ކްލައިމެޓް ޕޮލިއުޓަންޓްސް" (އެސްއެލްސީޕީ) ނުވަތަ
ކުރުމުއްދަތަށް ޖައްވު ނުސާފުކުރާ މާއްދާތަކުގެ މިންވަރު މަދުކުރުމަށް ކުރެވޭ
މަސައްކަތުގެ ދަށުން ބޭއްވުނު މަސައްކަތު ބައްދަލުވުމެއްކަމަށް އެންވަޔަރަމެންޓް
މިނިސްޓްރީން ބުނެއެވެ.
ޖައްވަށް ބޭރުކުރާ މިފަދަ މާއްދާތަކުގެ މިންވަރު
މަދުކުރުމަށް މަސައްކަތްކުރުމުގެ
މަޤްޞަދުގައި އުފައްދާފައިވާ ބައިނަލް އަޤްވާމީ ކޯލިޝަނެއްކަމަށްވާ ކްލައިމެޓް
އެންޑް ކްލީން އެއަރ ކޯލިޝަން(ސީސީއޭސީ)ގައި ރާއްޖެއިން 2012 ވަނަ އަހަރު
ބައިވެރިވެފައިވާއިރު މިކަމަކީ ޤައުމަށް ދިމާވެފައިވާ ތިމާވެށީގެ މައްސަލަތައް
މަދުކުރުމަށް އެޅިދާނެ މުހިންމު ފިވަޅެއްކަމަށް އެންވަޔަރަމެންޓް މިނިސްޓްރީން ބުނެއެވެ.
ސީސީއޭސީގެ މި މަޤުސަދު ހާސިލްކުރުމަށް މަސައްކަތްކުރުމަށް ކަނޑައަޅާފައިވާ އެގާރަ
ދާއިރާގައި ހިމެނޭ އެއްދާއިރާކަމަށްވާ ސަޕޯޓިންގ ނެޝަނަލް އެކްޝަން ޕްލޭން އޮން
އެސްއެލްސީޕީގެ ދަށުން މިއަދު ފެށި މިމަސައްކަތުބައްދަލުވުމުގައި މިފަދަ
މާއްދާތައް މަދުކުރުމަށް ރާއްޖެއިން ކުރާ މަސައްކަތްތައް އިތުރުކުރުމާ،
މިމަސައްކަތުގައި އެކިއެކި ވިޒާރާތަކާ މުއައްޞަސާތަކާ، ޖަމްޢިއްޔާތަކުގެ ގުޅުން ހަރުދަނާކޮށް ޤައުމީ ފެންވަރުގައި
ހިންގުންތެރިކަން އިތުރުކުރުމަށް ކުރެވިދާނެ
ކަންކަމާގުޅޭގޮތުން މަޝްވަރާކުރެވޭނެކަމަށް އެންވަޔަރަމެންޓް މިނިސްޓްރީން
މައުލޫމާތުދެއެވެ. މި މަސައްކަތު ބައްދަލުވުން އިފްތިތާހްކޮށްދެއްވާ ވާހަކަފުޅު
ދައްކަވަމުން އެންވަޔަރަމެންޓް މިނިސްޓްރީގެ ސްޓޭޓް މިނިސްޓަރ އަބުދުﷲ މަޖީދު
ވިދާޅުވީ ޖައްވު ހޫނުކުރާ މާއްދާއެއްކަމަށްވާ ކާބަންޑަރ އޮކްސައިޑްގެ އިތުރުން
އެންމެ ބޮޑަށް ޖައްވުހޫނުކުރާ މާއްދާއަކީ ކުރުމުއްދަތުގައި ޖައްވުގައި ހުންނަ
މާއްދާތައްކަމަށެވެ. އަބުދުﷲ މަޖީދު ވިދާޅުވީ ޖައްވު ހޫނުވާ މިންވަރު
ދެޑިގްރީއަށްވުރެ ދަށުގައި ބެއްހެޓުމަށް ބައިނަލްއަޤްވާމީ ގޮތުން ކުރެވޭ
މަސައްކަތްކާމިޔާބުވެ، އަދި ވައިނުސާވުވުމުގެ ސަބަބުން ޒުވާންއުމުރުގައި މަރުވާ
މީހުންގެ ނިޞްބަތް މަދުކުރެވޭނީ އެސްއެލްސީޕީ ނުވަތަ ކުރުމުއްދަތަށް ޖައްވު
ތަޢައްޔަރުކުރާ މާއްދާތައް މަދުކުރެވިގެންކަމަށެވެ.
މި ރަސްމިއްޔާތުގައި އދ
ގެ އެންވަޔަރަމެންޓް ޕްރޮގްރާމްގެ ރެޕްރެޒެންޓޭޓިވް އުސްމާން ޠޯރިޤް ދެއްކެވި
ވާހަކަފުޅުގައި ވައިނުސާފްވުމުގެ ސަބަބުން އަހަރަކު ހަތްމިލިޔަނެއްހާ މީހުން
މަރުވަމުންދާކަން ފާހަގަކުރައްވާ މިފަދަ މާއްދާތައް މަދުކުރުމުގެ މުހިންމުކަން
ފާހަގަކުރެއްވިއެވެ. މީގެ އިތުރުން އުސްމާން ޠޯރިގްގެ ވާހަކަފުޅުގައި ،ތިމާވެށީގެ
ދާއިރާއިން ބައިނަލް އަޤްވާމީ ފެންވަރުގައި ކުރެވޭ މަސައްކަތްތަކުގައި
ރާއްޖެއިންވަރަށް އިސްދައުރެއް އަދާކުރަމުންދާކަން ފާހަގަކުރައްވިއެވެ.
ކްލައިމެޓް އެންޑް
ކްލީން އެއާރ ކޯލިޝަނަކީ 1982 ވަނަ އަހަރު ހަ ޤައުމަކުންނާއި އދ ގެ ތިމާވެއްޓާގުޅޭ
ޕްރޮގްރާމް ޔުނޮޕް ގުޅިގެން އުފެއްދި ޖަމާއަތެކެވެ. މިޖަމާއަތުގައި މިހާރު 36 ޤައުމަކާ 82 ޖަމާއަތަކުން ބައިވެރިވެއެވެ.