ކުރިމިނަލް ކޯޓުގެ ކުރީގެ އިސް ޤާޟީ އަހްމަދު ހައިލަމްގެ މައްޗަށް މަނީ ލޯންޑަރ ކުރިކަމުގެ ތުހުމަތުކޮށް ފުލުހަށް ހާޒިރުވުމަށް އަންގައިފިއެވެ.
ހައިލަމް ފުލުހުންގެ އިދާރާއަށް ޙާޒިރުވުމަށް އަންގާ އޭނާއަށް ފޮނުވާފައިވާ ޗިޓްގައި ބުނެފައިވަނީ، މަނީ ލޯންޑްރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ޤާނޫނުގެ ދަށުން އެމްއެމްއޭގެ ފައިނޭންޝަލް އިންޓެލިޖެންސް ޔުނިޓަށް ލިބިފައިވާ މަޢާމަލާތްތަކުގެ ރިޕޯޓްތަށް ބެލި ބެލުމުން ދިވެހިރާއްޖޭގެ ކްރިމިނަލް ކޯޓްގެ އިސް ޤާޟީ އަހުމަދު ހައިލަމަށް ރައްޔިތުންގެ މަޖިލީހުގެ ފޭދޫ ދާއިރާގެ ކުރީގެ މެންބަރު އަލްހާން ފަހުމީ މިދިޔަ އަހަރުގެ މެއި މަހުގެ 19ވަނަ ދުވަހު ދެލައްކަ ރުފިޔާގެ މުޢާމަލާތެއް ހިންގާފައިވާ ކަމަށް ފާހަގަކުރެވިފައިވާކަމަށެވެ.
އެކަން ފުލުހުންގެ ސަމާލުކަމަށް ގެނަސްފައިވާތީ، އެ މުއާމަލާތަކީ މަނީ ލޯންޑްރިންގއަށް ތުހްމަތު ކުރެވޭ ގޮތަށް ހިންގާފައިވާ މުއާމަލާތެއްކަމަށް ތުޙުމަތު ކުރެވޭތީ، އަންގާރަ ދުވަހުގެ ރޭ 20:00އަށް ފުލުމަށް ޙާޒިރުވުމަށެވެ.
ކްރިމިނަލް ކޯޓުގެ އިސް ޤާޟީކަމުގެ މަޤާމުން އަހްމަދު ހައިލަމް އިސްތިއުފާ ދެއްވައިވަނީ މިދިޔަ އަހަރުގެ ޑިސެމްބަރު މަހުގެ 3 ވަނަ ދުވަހުއެވެ. ޤާޟީ އަހްމަދު ހައިލަމް އިސްތިއުފާދެއްވާފައި މިވަނީ އޭނާ އޭނާގެ މަށްޗަށް ސުލޫކީ މައްސަލައެއް ސާބިތުވާކަމަށް ޖުޑީޝަލް ސާރވިސް ކޮމިޝަނުން ނިންމާ މަޤާމުން ވަކިކޮށްދިނުމަށް މަޖީހަށް ހުށައަޅާފައިވަނިކޮށެވެ.