މާލެއިން އިތުރު 2 މީހަކު ކޯވިޑް-19އަށް ޕޮޒިޓިވް ވެއްޖެއެވެ. މީގެތެރޭގައި ހިމެނެނީ ދިވެއްސަކާއި ބަންގްލޭޝް މީހެކެވެ. މިއާއެކު ރާއްޖެއިން މިއަދު ކޯވިޑް-19އަށް ޕޮޒިޓިވްވި މީހުންގެ އަދަދު ވަނީ 17އަށް އަރާފައެވެ. އަދި މާލެއިން މި ބަލި ޖެހުނު މީހުންގެ އަދަދު މިވަނީ 49އަށް އިތުރުވެފައެވެ. އަދި ރާއްޖެއިން މި ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 69އަށް އަރާފައެވެ.
ކޯވިޑް-19އަށް ޕޮޒިޓިވްވި މީހުން އައިސޮލޭޝަން ފެސިލިޓީތަކަށް ގެންދިއުމުގެ މަސައްކަތް ކުރަމުންދާކަމަށް އެޗްޕީއޭއިން ވިދާޅުވެއެވެ.
ރާއްޖޭގެ މިހާރުގެ ތަފާސް ހިސާބަށް ބަލާއިރު:
- ނެގިފައިވާ ސާމްޕަލްތަކުގެ އަދަދު 4271
- ނެނެޓިވްވި ސާމްޕަލްތަކުގެ އަދަދު 3860
- މިހާތަނަށް ނަތީޖާ ނުލިބިވާ ސާމްޕަލްތައް 344
- ޕޮޒިޓިވް ވެފައިވަނީ 67 މީހެއް
- ފަރުވާދެމުންދަނީ 49 މީހަކަށް
- ޕޮޒިޓިވި މީހުންގެ ތެރެއިން 29 މީހުންނަކީ ދިވެހިން، 38 މީހުންނަކީ ބިދޭސީން
- ކަރަންޓީންގައި 1141 މީހަކު
- އައިސޮލޭޝަންގައި 115 މީހަކު
- ބަލި ޖެހުނު މީހުންނާއި ސީދާ ދިމާވި މީހުންގެ ތެރެއިން ދެނެގަނެވިފައިވަނީ 945
- މޮނިޓަރިންގެ ހާލަތުގައި 164 ތަނެއް
މިހާލަތާއި ގުޅިގެން ސަރުކާރުން މަސައްކަތް ކުރަމުންދަނީ ރައްޔިތުންނަށް ލުއިފަސޭހަ ގޮތްތައް ހޯދައި ދިނުމަށްކަމަށް ސަރުކާރުން ވަނީ ވިދާޅުވެފައެވެ. އަދި ރައްޔިތުންނަށް ބޭނުންވާ އަސަސީ ތަކެއްޗާއި ސާމާނު ލުއިގޮތަކަށް ލިބޭނެ އިންތިޒާމުވެސް ހަމަޖެއްސުމުގެ މަސައްކަތް ސަރުކާރުން ދަނީ ކުރައްވަމުންނެވެ.