އިންޑިއާގައި އޮންނަ އެތުލެޓިކްސް މުބާރާތެއްގައި ރާއްޖެއިން ބައިވެރިވެއްޖެއެވެ.
އިންޑިއާގެ ލަކްނައުގައި ކުރިޔަށްދާ 59ވަނަ އިންޓަރ ސްޓޭޓް ސީނިއަރ އެތުލެޓިކްސް ޗެމްޕިއަންޝިޕްގައި ރާއްޖެއިން ވާދަކުރަނީ 4x400 މީޓަރު ދުވުމުގައެވެ.
މި މުބާރާތުގައި ވާދަކުރާ ރާއްޖޭގެ ޓީމުގައި ހިމެނޭ ދުވުންތެރިންނަކީ މުހަންމަދު ނާއިލް، ޝަހުލް އިބްރާހީމް، ނުޖޫމް ހަސަން، މުހަންމަދު ޖައިލާމް ވަލީދު އަދި އިބްރާހީމް އަޝްފާން ވަލީދެވެ. ރާއްޖެ ޓީމުގެ ކޯޗަކީ އަޙްމަދު ނިޒާމެވެ.
މި މުބާރާތް ކުރިޔަށްދާނީ މި މަހުގެ 30ވަނަ ދުވަހުގެ ނިޔަލަށެވެ. ރާއްޖޭގެ އެތުލެޓިކްސް ޓީމުންވަނީ ޖުލައި މަހު އޮތް އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގައި 4x400 މީޓަރު ދުވުމުން ބްރޮންޒް މެޑަލް ހޯދާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ