ރައީސުލް ޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމްގެ ދެކަނބަލުންނާއި، އިސްލާމިކް މިނިސްޓަރ ޑރ މުހައްމަދު މުހައްމަދު ޝަހީމް އަލީ ސައީދު މިއަހަރު ހައްޖަށް ވަޑައިގަންނަވާގޮތަށް ހަމަޖެހިއްޖެއެވެ.
ފަތުހު ކުންފުނީގެ ކޯޓާގެ ތެރެއިން ސަރުކާރުގެ ޚަރަދުގައި ހައްޖަށް ދިއުމަށް ވިސާ ލިބިފައިވާ ފަރާތްތަކާއި ބައްދަލުކުރުމަށް ރޭ އިސްލާމީ މަރުކަޒުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސުލް ޖުމްހޫރިއްޔާގެ ދެކަނބަލުން ހައްޖަށް ވަޑައިގަންނަވާކަން އިއުލާކޮށްދެއްވީ ވިލިމާލޭ ދާއިރާގެ މެންބަރު އަހްމަދު ނިހާން ހުސައިން މަނިކުއެވެ. ނިހާން ވިދާޅުވީ، ހައްޖު މޫސުމާއި ދިމާކޮށް އދ ގެ ޖެނެރަލް އެސެމްބްލީވެސް އެބައޮތް ކަމަށާ، ރައީސް ޔާމީން ހައްޖުގައި ބައިވެރިވަނީ އދ ގެ ޖެނެރަލް އެސެމްބްލީގައި ބައިވެރިވެވަޑައިނުގެން ކަމަށެވެ.
މައުލޫމާތު ލިބިފައިވާ ގޮތުގައި ރައީސްގެ ދެކަނބަލުން ހައްޖުގެ އަޅުކަމަށް ސައުދީއަށް ފުރާވަޑާއިގެންނެވުމަށް ހަމަޖެހިފައިވަނީ މި މަހުގެ ސައްބީސްވަނަ ދުވަހުއެވެ.