ބްރެޒިލްގެ ފޯވަޑް ގަބްރިއަލް ޖެސޫސް މެންޗެސްޓާ ސިޓީގެ ކޮންޓްރެކްޓް އާކޮށްފި އެވެ.
އާ ކޮންޓްރެކްޓާއެކު ޕެޕް ގާޑިއޯލާގެ ޓީމުގައި 2023 ވަނަ އަހަރުގެ ނިޔަކަށް އޭނާ ހުންނާނެ އެވެ.
މިދިޔަ ސީޒަނުގައި ސިޓީ އަށް ޕްރެމިއާ ލީގު ހޯދައިދީ 100 ޕޮއިންޓް ހަމަކޮށްދޭން ލީގުގެ ފަހު މެޗުގައި ގޯލު ޖެހި ޖެސޫސް އަކީ ނިމިދިޔަ ވޯލްޑް ކަޕުގައި ކުޅުނު ބްރެޒިލް ޓީމުގެ ވެސް އެންމެ އިސް ފޯވަޑެވެ. ނަމަވެސް ވޯލްޑް ކަޕުގައި އޭނާ އެންމެ ގޯލެއް ވެސް ނުޖަހަ އެވެ.
އުމުރުން 21 އަހަރުގެ ފޯވަޑަކީ މިދިޔަ ސީޒަނުގައި ބްރެޒިލްގް ޕަލްމެއިރާސްއިން 27 މިލިއަން ޕައުންޑަށް ސިޓީއަށް ގެނައި ކުޅުންތެރިއެކެވެ. އޭނާ ވަނީ މިދިޔަ ސީޒަނުގައި 17 ގޯލު ޖަހާފަ އެވެ.
"މިއީ އަހަރެންގެ ހަޔާތުގައި ވެސް ނެގި އެންމަ ރަނގަޅު ޑިސިޝަން،" ސިޓީ އަށް ސޮއި ކުރުމަށްފަހު ޖެސޫސް ބުންޏެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ