ފްލައިބޯޑް ވަރލްޑް ޗެމްޕިއަންޝިޕްގައި ވާދަކުރި ރާއްޖޭގެ ދަރިވަރު ފަސްވަނަ ހޯދައިފިއެވެ.
ޖޫނިއަރ ކެޓަގަރީން ފަސްވަނަ ހޯދި ޔައިޝްއަކީ މުހުޔިއްދީން ސްކޫލްގެ ދަރިވަރެކެވެ. 15 އަހަރުގެ މުޙައްމަދު ޔައިޝް ވާދަކުރި ކެޓަގަރީއަކީ 1-18 އަހަރާ ދެމެދުގެ ކުދިން ވާދަކުރި ކެޓަގަރީއެކެވެ. އެސްކޫލުން އަންނަނީ އެސްކޫލްގެ ދަރުވަރުގެ ކާމިޔާބީއަށްޓަކައި ފަޚުރުވެރިވެ، އެކަން ފާހަގަކުރަމުންނެވެ.
އެޑިއުކޭޝަން މިނިސްޓަރ ޑރ.އައިޝަތު ޝިހާމްވެސް ވަނީ ޔައިޝްގެ ކާމިޔާބީ ފާހަގަކުރައްވާފައެވެ. މިނިސްޓަރ ކުރެއްވި ޓްވީޓެއްގައި ޔައިޝްގެ ކުޅަދާނަކަމަށް ތައުރީފްކުރައްވާ، ޒުވާނުން މޫދުކުޅިވަރަށް ޝައުޤުވެރިކޮށް ހިތްވަރުދެމުން އަންނަ އިބްރާހީމް ހުސެއިން، އިއްބަޑޭއަށްވެސް ޝުކުރު އަދާކުރައްވާފައެވެ.
އިއްބަޑޭއަކީ ވަަރލްޑް ޗެމްޕިއަންޝިޕްގައި ވާދަކުރަމުން އަންނަ، އަދި އެނޫންވެސް ދުނިޔޭގެ ބޮޑަތި މުބާރާތްތަކުގައި ވާދަކުރަމުން އަންނަ ރާއްޖޭގެ ފްލައިބޯޑަރެކެވެ. އޭނާއަކީ ރާއްޖޭގައި ޒުވާނުންނަށް ތަމްރީނުދީ، ޒުވާން ކުދިންނަށް ހިތްވަރުވެސް ދެމުންނަ ފަރާތެކެވެ. ޔައިޝްއާއެކު އޭނާވެސް ވަނީ ފްރާންސްގައި އޮތް ވަރލްޑް ޗެމްޕިއަންޝިޕްގައި ވާދަކޮށްފައެވެ. އަދި އިއްބަޑޭއަކީ ޔައިޝްގެ ކޯޗުވެސްމެއެވެ.