ބްރެޒިލްގެ ވަރލްޑްކަޕް ސްކޮޑްގައި ހިމެނޭ މިޑްފީލްޑަރ ފްރެޑް ހޯދުމަށް މެންޗެސްޓަރގެ ދެ ކްލަބުން ޝައުޤުވެރިވެއްޖެއެވެ.
ޝަކްތަރ ޑޮނެސްކަށް ކުޅެމުން އަންނަ ޒުވާން މިޑްފީލްޑަރަޑް މެންޗެސްޓަރ ސިޓީއާއި، މެންޗެސްޓަރ ޔުނައިޓެޑުންވެސް ޝައުޤުވެރިވާކަން ކުޅުންތެރިޔާ ވަނީ ކަށަވަރުކޮށްދީފައެވެ. އެގޮތުން ޖެނުއަރީ މަހު ސިޓީން ހުށައެޅި 50 މިލިއަން ޔޫރޯއަށް ޝަކްތާ ޑޮނެސްކުން ވަނީ ފުރަގަސްދީ ނޫނެކޭ ބުނެފައެވެ. މިވަގުތު ޤައުމީ ޓީމާއެކު ހުރި 25 އަހަރުގެ މިޑްފީލްޑަރ ބުނީ ޝަކްތާ ޑޮނެސްކް އަދި އޭނާގެ އެޖެންޓާއެކުވެސް ދެ ކެލަބުން ވާހަކަދައްކަމުން އަންނަ ކަމަށެވެ. އޭނާއަށް ލިބިފައިވާ މައުލޫމާތަށް ބަލާއިރު ބުރާސްފަތި ދުވަހު ޔުނައިޓެޑްގެ ބިޑާ ގުޅޭގޮތުން މައުލޫމާތު ޙިއްޞާކުރާނެކަމަށްވެސް ފްރެޑް ބުންޏެވެ.
" ޔޫރަޕްގެ އެންމެ މޮޅު ކޯޗުންގެ ސަމާލުކަމަށް އައުމަކީ ލިބޭ ވަރަށް ބޮޑު އުފަލެއް " ސިޓީގެ ކޯޗު ގާޑިއޯލާއާއި، ޔުނައިޓެޑްގެ ކޯޗު މޮރީނިއޯގެ ސަމާލުކަން ހުއްޓުމުން ފްރެޑް ބުންޏެވެ.
ބްރެޒިލް ޤައުމީ ޓީމާއެކު މިހަފްތާ ބަންދުގައި ފްރެޑް އިންގްލެންޑަށް ދާނެކަމަށް ބެލެވެއެވެ. އެއީ އަންނަ މަހު 3 ވަނަ ދުވަހު ކޮރޭޝިޔާއާ ވާދަކުރާ ރަހުމަތްތެރިކަމުގެ މެޗަށެވެ.