ޕާކިސްތާނުގެ ދެކުނު ރަށެއް ކަމަށްވާ ކަރާޗީގައި އާދިޔާ ޚިލާފަށް ހޫނުގަދަވުމުގެ ސަބަބުން އެ ރަށުގެ 65 މީހުން މަރުވެއްޖެއެވެ. މިއީ ފާއިތުވީ ތިން ދުވަހުގެ ތެރޭގައި ހީޓް ސްޓްރޯކް ޖެހިގެން މަރުވި މީހުންގެ ޢަދަދުކަމަށް ޕާކިސްތާނުގެ އިޖްތިމާޢީ ޚިދުމަތްތަކާ ބެހޭ ޖަމާޢަތަކުން ވަނީ ބުނެފައެވެ.
އެ ޖަމާޢަތުން އިތުރަށް ބުނީ ކަރާޗީގައި ހޫނުގަދަވުމުގެ ސަބަބުން ގިނަ މީހުން މަރުވެފައިވަނީ އެ ރަށުގައި ފަޤީރުން ދިރިއުޅޭ ސަރަހައްދުތަކުގައި ކަމަށެވެ. ޕާކިސްތާނުގެ މީޑިއާއިން ބުނެފައިވަނީ ކަރާޗީގެ ފިނިހޫނުމިން މިހާރު އުޅެނީ 44 ޑިގްރީ ސެލްސިއަސްގައި ކަމަށާއި ފިނީހޫނުމިން މިއަށް ވުރެ މައްޗަށް އެރުމަކީ އެކަށިގެންވާ ކަމެއް ކަމަށެވެ. އަދި މިއާއެކު ކަރާޗީގައި އިތުރު ބައެއްގެ ފުރާނައަށް ނުރައްކާވުމަކީ ގާތުގައިވާ ކަމެއްކަމަށްވެސް މީޑިއާ ރިޕޯޓްތައް ބުނެއެވެ.
ރިޕޯޓްތައް ބުނާގޮތުން މި ހަފުތާގެ ބުރާސްފަތި ދުވަހުގެ ނިޔަލަށް ކަރާޗީގެ ފިނިހޫނުމިން ބަދަލުނުވެ ހުރުމަކީ އެކަށީގެންވާ ކަމެއް.
ޕާކިސްތާނުގެ ސަރުކާރުން އަދި މިކަމާ ބެހޭގޮތުން އެއްޗެއް ބުނެފައި ނުވާ އިރު، އާދިޔާ ޚިލާފަށް ހޫނުގަދަވުމާއި ކަރާޗީގެ ސަރަޙައްދުތަކުން ކަރަންޓްގެ ޚިދުމަތް ކެނޑުން ފަދަ ހާދިސާތައް ދިމާވެފައިވާކަމަށް ރިޕޯޓްކޮށްފައިވެއެވެ.
ކަރާޗީގައި 2015 ވަނަ އަހަރު އާދަޔާޚިލާފަށް ހޫނުގަދަވުމުގެ ސަބަބުން 1300 މީހުން މަރުވިއެވެ.