މަސްވެރިކަމަށް ނުކުމެ އުޅުނު "ނިޔަވާލި" ނަމަކަށް ކިޔާ ދޯނީގެ ޚަބަރެއް ނިވެގެން ހޯދަނިކޮށް އެދޯނީގެ ޚަބަރެއް ވެއްޖެއެވެ.
މި ދޯނީގެ ޚަބަރެއްވީ މިރޭ 23:29 ހާއިރުކަމަށް ދޯނީގެ ވެރިފަރާތުން އެމްއެންޑީއެފް ކޯސްޓްގާޑަށް މަޢުލޫމާތު ދިނުމުންކަމަށް ކޯސްޓްގާޑުން ބުނެއެވެ.
މި ދޯނި މިހާރު އޮތީ ރ.އަތޮޅުގެ 7 މޭލު ބޭރުގައިކަމަށްވެސް މަޢުލޫމާތު ލިބެއެވެ. ދޯނީގެ ވެރިފަރާތުން މަޢުލޫމާތު ދިން ގޮތުގައި ދޯންޏާއި ނުގުޅުނީ ފޯނުގެ ރޭންޖު ނުލިބޭ ސަރަޙައްދެއްގައި އޮތުމުން ކަމަށާ މި ދޯނިން ދަތުރުކުރި އެންމެންގެ ހާލުވެސް ރަނގަޅުކަމަށް ދޯނީގެ ވެރިފަރާތާ ހަވާލާދީ ކޯސްޓްގާޑުން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ