އދ. މަހިބަދޫގެ މަގުތައް ރަނގަޅު ފެންވަރަކަށް ހެދުމުގެ މަސައްކަތުގެ ދަށުން އެރަށު ބަނދަރު ސަރަޙައްދުގައި ގާ އަތުރައި ނިމިއްޖެއެވެ.
ދައުލަތުގެ ބަޖެޓުން ހަތާވީސް މިލިޔަނަށްވުރެ ގިނަރުފިޔާ ޚަރަދުކޮށްގެން ހިންގާ މަހިބަދޫ މަގުތަށް ރަނގަޅު ފެންވަރަކަށް ހެދުމުގެ މަޝްރޫޢުގެ ގެދަށުން މިހާރު ކުރިޔަށްގެންދަނީ މަގުތަކުގެ ކާރބަލައިން ޖެހުމުގެ މަސައްކަތާއި ހޮޅިވަޅުލުމުގެ މަސައްކަތެވެ.
މި މަސައްކަތް އެންމެބާރަށް ކުރިޔަށްދާ މަހިބަދޫގެ އަމީނީމަގާއި މިސްކިތްމަގުގައި ލަހެއްނުވެ ގާއަތުރަން ފަށާނެކަމަށް މަގުހެދުމުގެ މަސައްކަތް ކުރަމުންގެންދާ އެމްއާރުޑީސީން ބުނެއެވެ.
މަހިބަދޫގެ ވިހި މަގެއް ގާއަތުރައި ރަނގަޅުފެންވަރަކަށް ހެދުމަށް ވަނީ ހަމަޖެހިފައި. މިގޮތުން ތިން ކިލޯމީޓަރުގެ ސަރަޙައްދެއްގައި ގާ އަތުރާނެއެވެ. މި އަހަރުގެ ނިޔަލަށް މި މަސައްކަތް ނިންމުމަށް ހައުސިން މިނިސްޓްރީން ޙަވާލުކޮށްފައިވަނީ ރޯޑް ޑިވަލޮޕްމަންޓް ކޯޕަރޭޝަން، އެމްއާރްޑީސީއާއެވެ.
އެމްއާރުޑީސީން ގެންދަނީ ގިނަ ރައްތަކެއްގައި މަގުހެދުމުގެ ބޮޑެތި މަޝްރޫޢުތަކެއްގެ ކޮންޓްރެކްޓް މަސައްކަތްކުރަމުންނެވެ. އޭގެތޭގައި ހއ.ދިއްދުއާއި ހދ. ކުޅުދުއްފުށްޓާއި ލ. ފޮނަދޫފަދަ ބޮޑެތި ރަށްރަށް ފާހަގަކޮށްލެވެއެވެ.