އިއްޔެ ބޭއްވި ލޯކަލް ކައުންސިލް އިންތިޚާބުގެ މިހާތަނަށް ގުނިފައިވާ ވޯޓްފޮށިތަކުގެ ނަތީޖާ ދައްކާގޮތުން، ވެރިކަން ކުރާ ޕީޕީއެމުން ކައުންސިލްތަކުގެ ގިނަ ގޮނޑި ހޯދައިފިއެވެ.
ޕީ.އެސް.އެމަށް އެންމެ ފަހުން ލިބިފައިވާ ނަތީޖާތަކަށް ބަލާލާއިރު، ޕީޕީއެމުން ވަނީ މިހާތަނަށް 197 ކައުންސިލެއްގެ ގޮނޑި ހޯދާފައެވެ. އިދިކޮޅު މައި ޕާޓީ އެމް.ޑީ.ޕީން 190 ގޮނޑި ކާމިޔާބު ކޮށްފައިވާއިރު، އަމިއްލަ ގޮތުން ވާދަކުރި ކެނޑިޑޭޓުންވެސް ވަނީ 103 ގޮނޑި ކާމިޔާބުކޮށްފައެވެ. އެމް.ޑީ.އޭއިން 21 ގޮނޑި، ޖުމްހޫރީ ޕާޓީން 16 ގޮނޑި އަދި ޑީ.އާރ.ޕީން 1 ގޮނޑި ވަނީ ކާމިޔާބުކޮށްފައެވެ.
މި ޢަދަދުތަށް ކަށަވަރުވެގެންދާނީ ކައުންސިލް އިންތިޚާބުގައި ވޯޓުލީ ހުރިހާ ފޮށިތަކުގެ ނަތީޖާތައް ލިބުމުންނެވެ. އެހެންކަމުން މިނަތީޖާތަކަކީ ބަދަލުވުމުގެ ފުރުޞަތު ބޮޑު ނަތީޖާތަކެކެވެ.
ސިޓީ ކައުންސިލްތަކަށް ބަލާލާއިރު، މާލެ، އައްޑޫ، އަދި ފުވައްމުލަކު ސިޓީ ކައުންސިލްގެ މެޖޯރިޓީ ހޯދާފައިވަނީ އިދިކޮޅު އެމް.ޑީ.ޕީންނެވެ. އަތޮޅު ކައުންސިލްތަކުގެ މެޖޯރިޓީވެސް އެމް.ޑީ.ޕީން ހޯދާފައިވާއިރު، ރަށުކަ އުންސިލްތަކުގެ މެޖޯރިޓީ ހޯދާފައި ވަނީ ޕީޕީއެމުންނެވެ. އެކި ދާއިރާތަކަށް ނިސްބަތްވާ މީހުން ވޯޓުލުމަށް ރަޖިސްޓްރީ ކޮށްފައިވާ ވޯޓުފޮށިތައް ރާއްޖޭގެ އެކިކަންކޮޅުތުގައި ހުރުމާއެކު، މި ނަތީޖާތަކަކީ ބަދަލުވުމުގެ ފުރުޞަތު ބޮޑު ނަތީޖާތަކެކެވެ.
ޖުމްލަ ކައުންސިލްތަކުގެ އަޣްލަމިއްޔަތު ހޯދާފައިވާގޮތަށް ބަލާލާއިރު، ޕީޕީއެމުން 71 ކައުންސިލެއްގެ އަޣުލަބިއްޔަތު ހޯދާފައިވާއިރު، އެމް.ޑީ.ޕީން 84 ކައުންސިލެއްގެ މެޖޯރިޓީ ވަނީ ހޯދާފައެވެ. އަދި އަމިއްލަ ގޮތުން ވާދަކުރި ކެނޑިޑޭޓުން 30 ކައުންސިލެއްގެ މެޖޯރިޓީ ހޯދާފައިވެއެވެ.