މާލެއާއި ވިލިމާލޭގައި މަރުވާ މީހުން ހުޅުމާލޭގައި ވަޅުލަމުންދިޔަ ދިއުން ނިމުމަކަށް ގެނެސް އަނެއްކާވެސް މާލޭގެ އާ ސަހަރާގައި މީހުން ވަޅުލާގޮތަށް ރައީސުލްޖުމްހޫރިއްޔާ ހަމަޖައްސަވައިފިއެވެ.
ރައީސުލް ޖުމްހޫރިއްޔާ މިގޮތަށް ނިންމެވުމާގުޅިގެން މިރޭ މެންދަމު ބާރައިން ފެށިގެން ވިލިމާލެއާއި މާލޭގައި މަރުވާމީހުންގެ ކަށުކަމާކެމީގެ ކަންކަން މާލޭގައި ކުރިއަށްގެންދަވަން ސަރުކާރުންވަނީ ނިންމަވާފައެވެ. ދާދި ދެންމެއަކު ޕީއެސްއެމް ނިއުސްއަށް ދެއްވި އިންޓަވިއުއެއްގައި މިކަން ހާމަކުރެއްވީ އިސްލާމިކް މިނިސްޓަރ ޑރ.އަޙްމަދު ޒިޔާދުއެވެ.
މާލެއާއި ވިލިމާލޭގައި މަރުވާ މީހުން ހުޅުމާލޭގައި ވަޅުލާގޮތަށް ސަރުކާރުން ނިންމީ މާލޭގެ އާސަހަރާ ފުރުމާއި ގުޅިގެންނެވެ. 30 ފެބްރުއަރީ 2016 އިންފެށިގެން މިގޮތަށް ޢަމަލުލުކުރުމަށް ސަރުކާރުން ނިންމި ނަމަވެސް ބައެއްފަރާތްތަކުގެ ކަންބޮޑުވުމާއެކު އެގޮތަށް ޢަމަލުކުރަން ފަށާފައިވަނީ 2017 ވަނަ އަހަރުގެ ފެބްރުއަރީމަހުގެ 3 ވަނަދުވަހުއެވެ.