މަސްވެރިކަމާގުޅޭ ސިނާޢީ މަސައްކަތްކުރާ ރަށެއްކަމަށްވާ މާލެއަތޮޅު ކަނޑު އޮތްގިރީގައި އަލިފާނުގެ ޙާދިސާއެއް ހިނގައިފިއެވެ.
އަލިފާންރޯވީ ކަނޑުއޮރްގިރީގައި ލޯކަލް ޕްރޮޑަކްޝަން ކުރިއަށްގެންދާ އިމާރާތެއްގައެވެ. މިއަދު މެންދުރު ފަހު މިހާދިސާ ހިންގާފައިވަނީ އެއިމާރާތުގެ ފުރާޅުގައި ކަމަށާއި، މާބޮޑު ގެއްލުމެއް ނުވަނީ މޯލްޑިވްސް ނޭޝަނަލް ޑިފެންސް ފޯސްގެ ފަޔަރ އެންޑް ރެސްކިއުސަރވިސުން އެއަލިފާން ކޮންޓްރޯލް ކުރައްވާފައިވާކަމަށް މިފްކޯއިން ވިދާޅުވެއެވެ.
މިހާދިސާ ހިނގީ ކަރަންޓް ޝޯޓަކުން ކަމަށް ބެލެވޭކަމަށާއި، އެއިމާރާތަކީ ބައެއް ލޯކަލް ތަކެތި އުފެއްދުމަށް ބޭނުންކުރާތަނެއްކަމަށް މިފްކޯއިން ވިދާޅުވެއެވެ. އަދި އެއްވެސް މެޝިނަރީޒް އަކަށްވެސް ގެއްލުމެއް ނުވާކަމަށް ވެސް މިފްކޯއިން ވިދާޅުވެއެވެ.
އެއިމާރާތްވެސް ހުންނާނީ، އިންށުއަރެންސް ކޮށްފައިކަމަށް ވެސް އެކުންފުނިން ހާމަކުރައްވައެވެ. ކަނޑުއޮތްގިރިއަކީ މޯފްކޯއަށް މަސްކިރުވާ އަދި މަހުގެ އުފެއްދުންތައް ތައްޔާކުރާ ސިނާޢީ ރަށެކެވެ.