ޚަބަރު
ފިޔޯރީގައި މަސް ހިފަންގޮސް އުޅުނު މީހަކު ގެނބިގެން ނިޔާވެއްޖެ
-
ނިޔާވީ 79 އަހަރުގެ މީހެއް
-
ހާދިސާ ހިނގީ މިއަދު މެންދުރު
ގދ.ފިޔޯރީ - ފޮޓޯ: ޕީއެސްއެމް ނިއުސް
ގދ. ފިޔޯރީގައި ދާޖަހައިގެން މަސް ހިފަންގޮސް އުޅުނު މީހަކު ގެނބިގެން ނިޔާވެއްޖެއެވެ.
ފުލުހުން މަޢުލޫމާތު ދީފައިވާގޮތަށް ބަލާއިރު، އެ ހާދިސާ ހިނގައިގެން ފުރުލަށް ރިޕޯޓްކޮށްފައިވަނީ، މިއަދު މެންދުރު 01:42 އެހައިކަންހާއިރުއެވެ.
އެމީހާ އެރަށު ސިއްހީ މަރުކަޒަށް ގެންދިޔަ އިރުވެސް ނިޔާވެފައިވާ ކަމަށް ސިއްހީ މަރުކަޒުން މައުލޫމާތު ދީފަވާކަމަށް ފުލުހުން ވިދާޅުވިއެވެ.
ނިޔާވެފައި ވަނީ ގަހާކޯޅި، ގދ. ފިޔޯރީ، މުޙައްމަދު ޙުސައިން (79އ) އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.