އިނގިރޭސި އެފްއޭ ކަޕްގެ ފަސްވަނަ ބުރުގައި ރޭ ނިއުކާސަލް ޔުނައިޓެޑް އާއި ދެކޮޅަށް މެންޗެސްޓަރ ސިޓީ ކުޅުނު 3-1 ގެ ނަތީޖާއަކުން ސިޓީ މޮޅުވެ މުބާރާތުގެ ކުއާޓަރ ފައިނަލުގެ ޖާގައެއް ހޯދައިފި އެވެ.
ނިއުކާސަލްގެ ސެއިންޓް ޖޭމްސް ޕާކުގައި ކުޅުނު މި މެޗުގެ18 ވަނަ މިނިޓުގައި ނިއުކާސަލްގެ ހާވޭ ބާރންސް ވަނީ ލަނޑެއް ޖަހާ އެ ޓީމަށް ކުރި ހޯދަދީފަ އެވެ.
ނަމަވެސް މެޗުގެ ފުރަތަމަ ހާފުގެ ކުޅުން ނިމެން ހަ މިނިޓަށް ވެފައިވަނިކޮށް މެންޗެސްޓަރ ސިޓީގެ ޖެރެމީ ޑޯކޫ ދިން ޕާހަކުން ސެވީނިއޯ ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފަ އެވެ.
މި މެޗުން ސިޓީ އަށް ފުރަތަމަ ފަހަރަށް ކުރި ލިބިފައިވަނީ ދެވަނަ ހާފުގެ ކުޅުން ފެށުނުތާ ދެވަނަ މިނިޓުގައި އުމަރު މަރުމޫޝް ކާމިޔާބުކޮށްދިން ލަނޑުންނެވެ.
އަދި މެޗުގެ 65 ވަނަ މިނިޓުގައު މަރުމޫޝް ވަނީ އިތުރު ލަނޑެއް ޖަހާ މެޗުގެ ނަތީޖާ 3-1 އަށް ބަދަލުކޮށްފަ އެވެ.
ކަރަބާއޯ ކަޕްގެ އެންމެ ފަހުގެ ޗެމްޕިއަން ނިއުކާސަލް ޔުނައިޓެޑް އެ މުބާރާތުން ކަޓުވާލުމަށްފަހު މެންޗެސްޓަރ ސިޓީ އިން ވަނީ މި ނަތީޖާ އާއިއެކު އެޑީ ހޯވޭގެ ކްލަބް އެފްއޭ ކަޕުން ވެސް ކަޕުންވެސް ކަޓުވާލާފަ އެވެ.
ޔޫއެފާ ޗެމްޕިއަންސް ލީގުގެ ދެވަނަ ބުރުގައި އަންނަ އަންގާރަ ދުވަހު ބާސެލޯނާ އާއި ދެކޮޅަށް ނިއުކާސަލް ޔުނައިޓެޑް ކުޅެންޖެހޭ މުހިންމު މެޗަށް ޓީމުގެ ކުޅުންތެރިންނަށް އަރާމު ކުރަން ފުރުސަތު ދިނުމުގެ ގޮތުން ހޯވޭ ވަނީ ހަތަރު ބަދަލެ ޓީމަށް ގެނެސްފަ އެވެ.