ސިލޯނާއެކު ދިވެހީން ޓެލެތޯން: މިހާތަނަށް 3.8 މިލިޔަނަށްވުރެ ގިނަ ރުފިޔާ ލިބިއްޖެ
-
މިހާތަނަށް 3.2 މިލިޔަނަށްވުރެ ގިނަ ރުފިޔާ އަދި 38،000އަށްވުރެ ގިނަ ޑޮލަރުގެ އެހީ ވަނީ ލިބިފައި
-
ސަރުކާރު ހިއްސާވާ އެކި ކުންފުނިތަކުން ދަނީ އެހީވަމުން
ސްރީލަންކާއަށް ދިމާވެފައިވާ ކާރިސީ ޙާލަތުގައި އެޤައުމަށް އެހީތެރިކަން ފޯރުކޮށްދިނުމަށް، ދިވެހި މީޑިއާތަކުން ފެށި ޚާއްސަ ޓެލެތޯނަށް މިހާތަނަށް 3.8 މިލިޔަނަށްވުރެ ގިނަ ރުފިޔާގެ އެހީ ލިބިއްޖެއެވެ.
އާދިއްތަ ދުވަހުގެ ހެނދުނު 9:00 ޖެހިއިރު ފެށި މި ޓެލެތޯން ހޯމަ ދުވަހުގެ މެންދުރު 2 ޖެހުމާ ހަމައަށް ކުރިއަށްދާނެއެވެ.
ބީއެމްއެލްއިން މި ޓެލެތޯންއަށް ޚާއްސަކޮށްފައިވާ ދިވެހި ރުފިޔާ އެކައުންޓަށް އާދިއްތަ ދުވަހުގެ ރޭ 11:55އާ ހަމައަށް، 3.2 މިލިޔަނަށްވުރެ ގިނަ ރުފިޔާ ވަނީ ލިބިފައެވެ. އަދި ޑޮލަރު އެކައުންޓަށް ވަނީ 38 ހާހަށްވުރެ ގިނަ ޑޮލަރު ލިބިފައެވެ.
މީޑިއާ ޓެލެތޯންއަށް އެހީތެރިވާން ބޭނުންވާ ފަރާތްތަކުން ބީއެމްއެލްގެ އެކައުންޓްތަކަށް އަދި ޓީވީ ބިލްޑިންގއާއި މާލޭގެ އެކި ސަރަޙައްދުތަކުގައި ބަހައްޓާފައިވާ ފޮށިތަކަށް އެހީތެރިކަން ފޯރުކޮށްދިނުމުގެ ފުރުސަތުވަނީ ހުޅުވާލާފައެވެ.
މިމަހުގެ 26 ވަނަ ދުވަހު ސްރީލަންކާއަށް ކުރިމަތިވި ތޫފާން ދީތުވާއާއި ގުޅިގެން އެޤައުމުވަނީ ކާރިސީ ޙާލަތުގައެވެ.