ޔުއެފާ ޗެމްޕިއަންސް ލީގުގައި ސްޕެއިންގެ ރެއާލް މެޑްރިޑާއި އިނގިރޭސިވިލާތުގެ ލިވަޕޫލް ވާދަކުރަން ޖެހިއްޖެއެވެ.
ފްރާންސްގެ މޮނާކޯގައި ބޭއްވި ގުރު ނެގުމުގެ ރަސްމިއްޔާތުގައި ހަމަޖެހުނު ގޮތުން ވާދަވެރި މި ދެ ޓީމުގެ މެޗު ކުޅެނީ ލިވަޕޫލްގެ ދަނޑުގަ އެވެ. މިއީ ހުސްވި ސީޒަނަށް ފަހު ލިވަޕޫލް ދޫކޮށް ރެއާލް މެޑްރިޑަށް ބަދަލުވި ޓްރެންޓް އެލެގްޒެންޑަރ-އާނޯލްޑަށް ވަރަށް ހާއްސަ މެޗަކަށްވާނެ އެވެ.
ލިވަޕޫލްގައި 20 އަހަރު ހޭދަ ކުރުމަށްފަހު އޭނާ ރެއާލްއަށް ބަދަލުވުމަށްފަހު މިހާތަނަށް ހޭދަކުރަމުންދަނީ އުނދަގޫ ދުވަސްތަކެކެވެ.
ނަމަވެސް މިކަމާ ބެހޭ ގޮތުން އާނޯލްޑް އަދި ވާހަކައެއް ނުދައްކައެވެ.
ޗެމްޕިއަންސް ލީގުގައި ރެއާލް މެޑްރިޑަށް ލައްވާލީ ގަދަ މެޗުތަކެވެ. ގްރޫޕް ސްޓޭޖުގައި އެ ޓީމު ކުޅެން ޖެހޭ އަށް މެޗުގެ ތެރޭގައި މެންޗެސްޓާ ސިޓީ އާއި ލިވަޕޫލް އަދި އަދި ޔުވެންޓަސް އާއި ޕޯޗުގަލްގެ ބެންފީކާ ހިމެނެ އެވެ. ދެން ހިމެނެނީ ފްރާންސްގެ މާސެ އާއި އޮލިމްޕިއާކޯސް އަދި މޮނާކޯ އާއި ކައިރަޓް އަލްމާޓީ އެވެ.
ލިވަޕޫލް ކުޅެން ޖެހޭ އަށް މެޗުގެ ތެރެއިން ފުރަތަމަ މެޗުގައި ނުކުންނާނީ ރެއާލްއާ ދެކޮޅަށެވެ. އެއަށް ފަހު އިޓަލީގެ އިންޓަމިލާނާއި ސްޕޭނުގެ އެތްލެޓިކޯ މެޑްރިޑް އަދި ޖަރުމަނުގެ ފްރޭންކް ފަޓާއި ނެދަލޭންޑްސްގެ ޕީއެސްވީ އެއިންދޯވަން އާއި ފްރާންސްގެ މާސޭ އާއި ގަރަބާގް އަދި ތުރުކީގެ ގަލަޓަސަރާއީ ހިމެނެ އެވެ.