އިންޑިއާގެ ބޮޑުވަޒީރު ނަރެންދްރަ މޯދީ ފުރަމާނަ ދަތުރުފުޅެއްގައި ރާއްޖެ ވަޑައިގަތުމާއި ގުޅިގެން، ރާއްޖޭގެ ކުރީގެ ބައެއް ރައީސުން މަރުޙަބާ ވިދާޅުވެއްޖެއެވެ.
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ދަޢުވަތަކަށް، އިންޑިއާގެ ބޮޑުވަޒީރު ނަރެންދްރަ މޯދީ ފުރަމާނަ ދަތުރުފުޅެއްގައި ރާއްޖެ ވަޑައިގަތީ މިއަދު ހެނދުނު 9:00 ހާއިރުއެވެ.
މޯދީގެ ދަތުރުފުޅާއި ގުޅިގެން ކުރީގެ ރައީސް، މައުމޫން ޢަބްދުލް ޤައްޔޫމް ސޯޝަލް މީޑިއާގައި ހިއްސާކުރެއްވި ޕޯސްޓުގައި އިންޑިއާގެ ބޮޑުވަޒީރު ނަރެންދްރަ މޯދީއަށް ވަނީ މަރުޙަބާ ދަންނަވާފައެވެ. އަދި މޯދީގެ މި ދަތުރުފުޅުގެ ސަބަބުން ރާއްޖެއާއި އިންޑިއާ އާއި ދެމެދު އޮތް ޒަމާންވީ އެކުވެރި ގުޅުން އިތުރަށް ބަދަހިވާނެކަމަށް އުއްމީދުކުރައްވާކަމަށް ކުރީގެ ރައީސް މައުމޫން ވިދާޅުވިއެވެ.
Warm welcome to Your Excellency Prime Minister Narendra Modi (@narendramodi) to the Maldives. It is a great honour and privilege for us to receive you in our country.
— Maumoon Abdul Gayoom (@maumoonagayoom) July 25, 2025
May your visit further strengthen the deep rooted ties of friendship, understanding, and cooperation between our… pic.twitter.com/URDTnwdLvy
ކުރީގެ ރައީސް، މުހައްމަދު ނަޝީދު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެ ކުރައްވާ ދަތުރުފުޅަކީ ވަރަށް ކާމިޔާބު ދަތުރުފުޅަކަށް ވެގެންދާނެކަމަށް ޔަޤީންކުރައްވާކަމަށެވެ.
Delighted to see Prime Minister Modi land in Maldives on what will be a very productive trip. It is clear from the warm welcome there is cross party political consensus on the indisputable value to Maldives of India’s longstanding friendship. @narendramodi @PMOIndia @HCIMaldives
— Mohamed Nasheed (@MohamedNasheed) July 25, 2025
ކުރީގެ ރައީސް، އިބްރާހީމް މުޙައްމަދު ސާލިޙް ނެރުއްވި ބަޔާނުގައި ވަނީ ބޮޑުވަޒީރު ނަރެންދްރަ މޯދީ ރާއްޖެ ވަޑައިގަތުމުން މަރުޙަބާ ދަންނަވާކަމަށް ވިދާޅުވެފައެވެ. އަދި ރާއްޖޭގެ 60 ވަނަ މިނިވަން ދުވަސް ފާހަގަކުރުމަށް ބާއްވާ ހަރަކާތްތައް ޝަރަފްވެރިކޮށްދެއްވުމަށް ބޮޑުވަޒީރު ނަރެންދްރަ މޯދީއަށް ދަޢުވަތު ދެއްވިކަމަށްޓަކައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއަށް މަރުޙަބާ ދަންނަވާކަމަށްވެސް ކުރީގެ ރައީސް ސާލިހުގެ ބަޔާނުގައިވެއެވެ.
My statement regarding the State Visit to Maldives by His Excellency Prime Minister @narendramodi pic.twitter.com/kzWH8NfMIQ
— Ibrahim Mohamed Solih (@ibusolih) July 24, 2025
އިންޑިއާގެ ބޮޑުވަޒީރު ނަރެންދްރަ މޯދީގެ މި ދަތުރުފުޅާ ގުޅިގެން ރާއްޖޭގެ ކުރީގެ ބައެއް ރައީސުން މަރުޙަބާ ވިދާޅުވެފައިވާއިރު، އިންޑިއާއަކީ ކޮންމެ ސަރުކާރެއްގައިވެސް ރާއްޖެއާއެކު ގާތް ގުޅުންތަކެއް ބާއްވައި، އެހީތެރިކަމާއި އެއްބާރުލުން ދެމުން އަންނަ ޤައުމެކެވެ.