މޫސުން ގޯސްވެ، ކ.އަތޮޅުން ލ.އަތޮޅަށް ރީނދޫ ސަމާލު

މޫސުން ގޯސްވުމުގެ ސަބަބުން ކ.އަތޮޅުން ލ.އަތޮޅަށް ރީނދޫ ސަމާލު ނެރެފިއެވެ.

މޫސުމާބެހޭ ޤައުމީ އިދާރާއިން މި ރީނދޫ ސަމާލު ނެރެފައިވަނީ މިރޭ 11:30 އާ ހަމައަށެވެ. މި މުއްދަތުގައި ގުގުރުމާއެކު ބޯކޮށް ވާރޭވެހޭނެ ކަމަށް ވަނީ ލަފާކޮށްފައެވެ. އަދި ވިލާގަނޑުގައި ގަޑިއަކު 45 މޭލަށް ވައިބާރުވާނެ ކަމަށްވެސް މޫސުމާބެހޭ ޤައުމީ އިދާރާއިން ވަނީ ލަފާކުރައްވާފައެވެ.

ވިއްސާރަވެ ވައިބާރުވާތީ މޫސުމަށް ސަމާލުކަން ދިނުމަށް ކަމާބެހޭ އިދާރާތަކުން އިލްތިމާސްކުރައްވައެވެ.

@MetMaldives has issued a weather alert from Kaafu to Laamu Atoll, valid from 19:30 to 23:30 hrs tonight.

⚠️ Expect torrential rain, thunderstorms, and wind gusts up to 45 mph.@PoliceMv urges all to stay alert and take safety precautions. https://t.co/6RtdeJlWyR

— Maldives Police (@PoliceMv) July 10, 2025

ކުރިއަށް އޮތް ހަފްތާ ބަންދުގައި މުޅި ރާއްޖެއަށް ވިއްސާރަކުރާނެކަމަށް މޫސުމާ ބެހޭ ޤައުމީ އިދާރާއިން ވަނީ ލަފާކޮށްފައެވެ. އެގޮތުން ހުރިހާ ސަރަޙައްދުތަކަށްވެސް ގުގުރުމާއެކު ބޯކޮށް ވާރޭވެހޭނެކަމަށް ވަނީ ލަފާކޮށްފައެވެ.