އަންނަ އާދިއްތަ ދުވަހުން ފެށިގެން ސިފައިންގެ އަސްކަރިއްޔާގެ ތަމްރީންތަކެއް ކަނޑުމަތީގައި

ދިވެހި އަސްކަރިއްޔާގެ ތަމްރީންތަކެއް ކަނޑުމަތީގައި ކުރިއަށްގެންދާތީވެ އެކަމަށް ސަމާލުވުމަށް ދެިވހި ސިފައިންގެ ޚިދުމަތުން އިލްތިމާސްކުރައްވައިފިއެވެ.

މި ތަމްރީންތައް ކުރިއަށް ގެންދިޔުމަށް ހަމަޖެހިފައިވަނީ އަންނަ އާދިއްތަ ދުވަހުން ފެށިގެން ބުރާސްފަތިދުވަހާ ހަމައަށް ކޮންމެ ދުވަހަކު 6:00 އިން 17:30 އަށެވެ. ދިވެހި ސިފައިންގެ ޚިދުމަތުން ވިދާޅުވީ މި ތަމްރީންތައް ކުރިއަށް ގެންދިޔުމަށް ހަމަޖެހިފައިވަނީ ހުޅުމާލޭގެ އިރުން 7 ނޯޓިކަލް މޭލު ބޭރުން ކަނޑުމަތީގައި ކަމަށެވެ.

މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުން 7 ނޯޓިކަލް މޭލު ބޭރުން 5000 މީޓަރ ދުރުމިނަށް ކަމަށާއި ވަޒަން ދަތުރުކުރާނެ އުސްމިނަކީ 300 މީޓަރުކަމަށްވެސް ދިވެހި ސިފައިންގެ ޚިދުމަތުން ވިދާޅުވިއެވެ.

ދިވެހި ސަިފައިންގެ ލަޝްކަރު ވަރުގަދަކުރުމުގެ ގޮތުން ދޭތެރެ ދޭތެރެއިން މާލެ ސަރަޙައްދުގައި އަންނަނީ މިފަދަ ތަމްރީންތައް ހިންގަމުންނެވެ.