ބްލަޑް ސަރވިސަސްއިން ޚިދުމަތް ދޭ ގަޑިތައް އިތުރުކޮށްފި

މޯލްޑިވިއަން ބްލަޑް ސަރވިސަސްއިން ޚިދުމަތް ދޭ ގަޑިތަކަށް އިތުރުކޮށްފިއެވެ.

މޯލްޑިވިއަން ބްލަޑް ސަރވިސަސްއިން ވިދާޅުވީ މިމަހުގެ 6 ވަނަ ދުވަހުން ފެށިގެން ޚިދުމަތްދޭ ގަޑިތަކަށް ވަނީ ބަދަލު ގެނެސްފައިވާ ކަމަށާއި، އެ ސަރވިސަސް ހުޅުވިފައި ހުންނާނީ ކޮންމެ ހަފްތާއެއްގެ ހޮނިހިރު ދުވަހުން ފެށިގެން ބުރާސްފަތި ދުވަހަށް، ހެނދުނު 08:00 އިން ރޭގަނޑު 21:00 އަށްކަމަށް މޯލްޑިވިއަން ބްލަޑް ސަރވިސަސްއިން ވިދާޅުވިއެވެ.

ކުރިން މޯލްޑިވިއަން ބްލަޑް ސަރވިސަސް ހުޅުވިފައި ހުންނަނީ ހޮނިހިރު ދުވަހުން ފެށިގެން ބުރާސްފަތި ދުވަހަށް ހެނދުނު 08:00 އިން ރޭގަނޑު 20:00 އަށެވެ. އެހެން ނަމަވެސް މިހާރު މިވަނީ އެތަނުން ޚިދުމަތްދޭ ވަގުތު އެއްގަޑިއިރަށް އިތުރުކޮށްފައެވެ.

މޯލްޑިވިއަން ބްލަޑް ސަރވިސަސްއިން ޚިދުމަތް ދޭ ގަޑިތަކަށް ގެނެސްފައިވާ ބަދަލުތައް:

(ހޮނިހިރު - ބުރާސްފަތި)
އެޗް. ބީ ބެލުމަށް ސާމްޕަލްނެގުން - 08:00 – 20:00

( ހޮނިހިރު – ބުދަ )
ކްރޮސްމެޗް ހެދުމަށް ސާމްޕަލްނެގުން - 08:00 – 20:00

( ބުރާސްފަތި )
ކްރޮސްމެޗް ހެދުމަށް ސާމްޕަލްނެގުން - 08:00 – 17:45

ތެލަސީމިއާ ސްކްރީނިންގ - 08:30 – 13:00

ތެލަސީމިއާ ކާޑް ދޫކުރުން - 08:00 – 14:00

ޑޯނަރުން ގައިން ލޭ ނެގުން - 08:00 – 19:45

ޑޯނަރުން ގައިން އެފެރެސިސްކޮށް ލޭ ނެގުން - 08:00 – 19:30

( ހުރިހާ އުމުރު ފުރައަކަށް )
ލޭ ގުޅައިދިނުން (1 ޔުނިޓް) - 08:00 – 16:30

( ހުރިހާ އުމުރު ފުރައަކަށް )
ލޭ ގުޅައިދިނުން (2 ޔުނިޓް) - 08:00 – 14:30

ޑޮކްޓަރަށް ދެއްކުން - 08:00 – 20:30

ރާއްޖޭގައި އިތުރުވަމުންދާ ތެލަސީމިއާ ކުދިންނަށް ބޭނުންވާ ފަރުވާގެ ނިޒާމު ހަރުދަނާކުރުމަށްދަނީ މަސައްކަތްތަކެއް ކުރައްވަމުންނެވެ. ވަކިން ޚާއްސަކޮށް އަތޮޅުތަކުގެ ރަށްރަށުގައި ތިބި ކުދިންނަށް ބޭނުންވާ ލޭ ލިބޭނެ އިންތިޒާމު އަދި ބޭސް ލިބޭނެ އިންތިޒާމު ހަމަޖެއްސުމުގެ މަސައްކަތްވަނީ ފަށާފައެވެ.

ތެލަސީމިއާ ކުދިންނަށް ދެވޭ ފަރުވާ އަދި ޚިދުމަތް ރަނގަޅުކުރުމަށްޓަކައި މޯލްޑިވިއަން ބްލަޑް ސަރވިސަސްގެ ޚިދުމަތް ރަނގަޅުކޮށް، ހޮސްޕިޓަލެއްގެ ގޮތުގައި އެ ތަން ހިންގުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމަވާފައެވެ.