ޚަބަރު
އެއާޕޯޓުގައި ހިނގި މާރާމާރީއެއްގައި ގިނަ ބަޔަކަށް އަނިޔާވެ ފަރުވާދެނީ
-
މަޢުލޫމާތު ލިބޭ ގޮތުގައި ހުޅުމާލެ ހޮސްޕިޓަލުގައި 10 މީހަކަށް އަންނީ ފަރުވާ ދެމުން
-
ހުޅުމާލެ ހޮސްޕިޓަލްގެ އިތުރަށް ޓްރީޓޮޕްގައިވެސް އަންނަނީ ފަރުވާދެމުން
އެއާޕޯޓުގައި ހިންގި މާރާމާރީއެއްގައި ގިނަ ބަޔަކަށް އަނިޔާވެ ފަރުވާދެނީ. ފޮޓޯ: ވަގުތު
ވެލާނާ އިންޓަނޭޝަނަލް އެއާޕޯޓްގެ ޓާމިނަލްގެ މަސައްކަތްކުރާ ބިދޭސީންތަކެއްގެ މެދުގައި މާރާމާރީއެއް ހިންގައި ގިނަ ބަޔަކަށް އަނިޔާވެގެން ފަރުވާ ދޭން ފަށައިފިއެވެ.
ފުލުހުން ވިދާޅުވީ ވީއައިއޭ ޓާމިނަލް ހެދުމުގެ މަސައްކަތްކުރަމުންދާ ބިދޭސީންގެ މެދުގައި ހިނގި މާރާމާރިއަކާ ގުޅިގެން ފުލުހުން ހަރަކާތްތެރިވަމުންދާ ކަމަށެވެ. އަދި އެ މީހުންނަށް ހުޅުމާލޭ ހޮސްޕިޓަލާއި ޓްރީޓޮޕް ހޮސްޕިޓަލްގައި ފަރުވާދެމުން އަންނަކަމަށް ފުލުހުން ވިދާޅުވެއެވެ.
މަޢުލޫމާތު ލިބިފައިވާގޮތުގައި މާރާމާރީގައި އަނިޔާވި މީހުންގެ ތެރެއިން 10 މީހަކަށް ހުޅުމާލޭ ހޮސްޕިޓަލުގައި ދަނީ ފަރުވާދެމުންނެވެ. ހުޅުމާލެ ހޮސްޕިޓަލްގެ އިތުރުން ޓްރީ ޓޮޕްގައި ފަރުވާ ދެމުން އަންނަނީ ކިތައް މީހުންނަށް ކަމެއް އަދި ސާފެއް ނުވެއެވެ.