ހިއުމަން ރައިޓްސް ކައުންސިލްގެ ސެޝަންގައި ބައިވެރިވެވަޑައިގަތުމަށް ޚާރިޖީ ވަޒީރު ސުވިޒަލޭންޑަށް
-
ހައި ލެވެލް ޖެނެރަލް ޑިބޭޓުގައި ވަޒީރު ތަޤުރީރުކުރައްވާނެ
-
ހައި-ލެވެލް މުހިންމު މަޝްވަރާތަކެއްގައި ވަޒީރު ބައިވެރިވެވަޑައިގަންނަވާނެ
އދ.ގެ ހިއުމަން ރައިޓްސް ކައުންސިލްގެ 58 ވަނަ ސެޝަންގައި ބައިވެރިވެވަޑައިގަތުމަށް ޚާރިޖީ ވަޒީރު ޑރ. ޢަބްދުﷲ ޚަލީލް ސުވިޒަލޭންޑްގެ ޖެނީވާއަށް ވަޑައިގެންފިއެވެ.
މި ކަން ހާމަކޮށްފައިވަނީ ޚާރިޖީ ވަޒީރު ސޯޝަލް މީޑިޔާގައި ހިއްސާކޮށްފައިވާ ޕޯސްޓެއްގައެވެ.
ހިއުމަން ރައިޓްސް ކައުންސިލްގެ ތެރެއިން ކުރިއަށްދާ ހައި ލެވެލް ޖެނެރަލް ޑިބޭޓުގައި ޚާރިޖީ ވަޒީރު ތަޤުރީރުކުރެއްވުމަށް ވަނީ ހަމަޖެހިފައެވެ. އަދި ހައި-ލެވެލް މުހިންމު މަޝްވަރާތަކެއްގައި އެމަނިކުފާނު ބައިވެރިވެވަޑައިގަތުމަށް ހަމަޖެހިފައިވެއެވެ.
Arrived in Geneva, Switzerland to participate in the High-level Segment of the 58th Session of the @UN_HRC.
— Abdulla Khaleel (@abkhaleel) February 23, 2025
I will be speaking at the High-level General Debate and will be participating in several high-level discussions.
I also look forward to interacting with my colleagues…
ހިއުމަން ރައިޓްސް ކައުންސިލްގެ 58 ވަނަ ސެޝަން އަންނަ ހޯމަ ދުވަހުން ފެށިގެން އަންނަ މަހުގެ 4 ވަނަ ދުވަހާ ހަމައަށް ދެމިގެންދާނެއެވެ. މި ފަހަރުގެ ސެޝަންގައިވެސް އެކި މަޢުޟޫތަކާ ގުޅޭ ޕެނަލް ޑިސްކަޝަންތައް ކުރިއަށްދާނެއެވެ. އެގޮތުން މަރުގެ އަދަބު ދިނުމާއި ޤަތުލު ޢާންމުތައް ހުއްޓުވުމާއި ޚާއްސަ އެހީއަށް ބޭނުންވާ މީހުންގެ ޙައްޤުތައް ކަށަވަރުކުރުމާ ބެހޭ މަޝްވަރާތައް ކުރިއަށްދާނެއެވެ.
ދިވެހިރާއްޖެއަކީ 2023-2025 ހިއުމަން ރައިޓްސް ކައުންސިލްގެ މެންބަރެކެވެ. މިއީ އެ ކައުންސިލްގެ މެންބަރުންކަން ރާއްޖެއިން އަދާކުރާ ތިންވަނަ ފަހަރެވެ. ހިއުމަން ރައިޓްސް ކައުންސިލަކީ އިންސާނީ ޙައްޤުތައް ހިމާޔަތްކުރުމަށް އެކި ޤައުމުތައް ގުޅިގެން މަސައްކަތް ކުރުމަށް އުފައްދާފައިވާ އދގެ ގޮތްޕެކެވެ.