ޚަބަރު
ގާފަރުގައި ބިދޭސީއަކަށް ހަމަލާދިން މައްސަލައިގައި މީހަކު ހައްޔަރުކޮށްފި
-
ހައްޔަރުކޮށްފައިވަނީ އެރަށު ޖާޒިމް ޖައުފަރު ކިޔާ މީހެއް
-
މި މައްސަލަ ރިޕޯޓްކޮށްފައި ވަނީ މިއަދު ހެނދުނު
ކ.ގާފަރު
ކ. ގާފަރުގައި ބިދޭސީއަކަށް ހަމަލާދިން މައްސަލައިގައި މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ގާފަރުގައި މިއަދު ހެނދުނު 07:05 ހާއިރު މަގުމަތިން ހިނގާފައި ދިޔަ ބަންގްލަދޭޝް މީހެއްގެ ގަޔަށް ތޫނު އެއްޗަކުން ޙަމަލާދީ ޒަޙަމްކޮށްލާފައިވާ މައްސަލައެއް ފުލުހުންނަށް ރިޕޯޓްކޮށްފައިވާކަމަށެވެ.
މި މައްސަލައިގައި ފުލުހުން ހައްޔަރުކޮށްފައިވަނީ އެރަށު ގުލްދަސްތާގޭ ޖާޒިމް ޖައުފަރު ނަމަކަށް ކިޔާ މީހެކެވެ. ނަމަވެސް އޭނާއާ ބެހޭ އިތުރު މަޢުލޫމާތެއް ފުލުހުން އަދި ހާމަކުރައްވާފައެއްނުވެއެވެ.
ފުލުހުން އަންނަނީ މި މައްސަލަ އިތުރަށް ތަޙުޤީޤުކުރަމުންނެވެ.