މޫސުން ތަންނުދޭތީ މިރޭ ހުޅުމާލޭގައި ހަވާއެރުވުން ކެންސަލްކޮށްފި

މޫސުން ތަންނުދޭތީ މިރޭ ހުޅުމާލޭގައި ބާއްވަން އުޅުނު ހަވާއެރުވުން ކެންސަލްކޮށްފައިވާކަމަށް އެމްއެންޑީއެފުން ވިދާޅުވެއްޖެއެވެ.

އެމްއެންޑީއެފުން ކުރިން ވިދާޅުވީ ހުޅުމާލޭގައި މިރޭ ހަވާ އެރުވުމަށް ހަމަޖެހިފައިވާކަމަށެވެ. އެގޮތުން ހަވާ އެރުވުމަށް ހަމަޖެހިފައިވަނީ ހުޅުމާލޭ ފޭސް 2 ގެ ވިނަރެސް ފްލެޓާއި ދިމާ ބޭރު ސަރަހައްދުގައިކަމަށް އެމްއެންޑީއެފުން ވިދާޅުވިއެވެ. މިއީ އަމިއްލަ ފަރާތެއްގެ އިވެންޓަކާ ގުޅިގެން ކުރިއަށްގެންދަން ނިންމި ހަރަކާތެއް ކަމަށާއި ނަމަވެސް މިހާރު މޫސުން ތަންނުދޭތީ އެ ހަރަކާތް ކެންސަލް ކޮށްފައިވާކަމަށް އެމްއެންޑީއެފުން ވިދާޅުވިއެވެ.

އެމް.އެން.ޑީ.އެފްއިން މީގެ ކުރިންވެސް އަމިއްލަ ފަރާތްތަކުން ބާއްވާ ތަފާތު ޙަފްލާތަކުގައި މާލެއާއި ބައެއް ރަށްރަށުގައިވެސް ހަވާ އަރުވައިދީފައިވެއެވެ. އަދި ރާއްޖޭގައި ފާހަގަކުރާ ބައެއް ޚާއްސަ އިޙްތިފާލުތަކާ ދިމާކޮށްވެސް ހަވާ އެރުވުން ކުރިއަށްގެންދެއެވެ.