އަލިފާނުގައި ގެދޮރުވެރިކަމުގެ އެއްވެސް ސްކީމެއްގެ ލިއުމަކަށް އަސަރެއް ނުކުރޭ: ގެދޮރުވެރިކަމާއި ބެހޭ ވުޒާރާ

ހައުސިން މިނިސްޓްރީގައި ހިންގި އަލިފާނުގެ ހާދިސާއާ ގުޅިގެން ގެދޮރުވެރިކަމާއި ގުޅޭ އެއްވެސް ސްކީމެއްގެ ލިޔެކިއުމަކަށް އަސަރުނުކުރާނެކަމުގެ ޔަޤީންކަން ގެދޮގެރުވެރިކަމާއި ބިމާއި، އުމްރާނީ ތަރައްޤީއާއި ބެހޭ ވުޒާރާއިން ދެއްވައިފިއެވެ.

މިކަމާއި ގުޅިގެން ގެދޮގެރުވެރިކަމާއި ބިމާއި، އުމްރާނީ ތަރައްޤީއާއި ބެހޭ ވުޒާރާއިން ނެރުނު ބަޔާނުގައި ވިދާޅުވީ، އެވުޒާރާ ހިންގާ އިމާރާތުގައި ރޯވި އަލިފާންގަނޑު ނިވުމުގެ މަސައްކަތް ކުރަމުންދާ ކަމަށެވެ. އަދި މިހާދިސާއާ ގުޅިގެން އެ ވުޒާރާގެ އެއްވެސް މުވައްޒަފަކަށް އަނިޔާ ނުވާކަމަށް އެވުޒާރާއިން ވިދާޅުވެއެވެ.

މި ހާދިސާއާއި ގުޅިގެން އެ ވުޒާރާއިން ވަނީ އަލިފާނާއި ގުޅިގެން، އެ ވުޒާރާގެ ދަށުން ބަލަހައްޓާ ގެދޮރުވެރިކަމުގެ އެއްވެސް ސްކީމެއްގެ ލިއުންތަކަށް އަސަރެއް ނުކުރާކަމުގެ ޔަޤީންކަން ދެއްވާފައެވެ. އެގޮތުން އެ ލިއުންތަކަކީ އެ ވުޒާރާގެ ކްލައުޑް ހޯސްޓިންގް ސާވަރތަކުގައި ޑިޖިޓަލްކޮށް ބަލަހައްޓާ މައުލޫމާތުކަމަށް ވިދާޅުވެފައެވެ.

ގެދޮރުވެރިކަމާއި ބެހޭ ވުޒާރާއިން ވިދާޅުވީ މި ހާދިސާއާ ގުޅިގެން ސަލާމަތާއި ރައްކާތެރިކަމަށް ކުރެވެން ހުރި މަސައްކަތްތައް ގުޅުންހުރި އިދާރާތަކާއި ގުޅިގެން ކުރަމުންދާ ކަމަށެވެ.

މިއަދު ހެނދުނު އަލިފާން ރޯވެފައިވަނީ، ގެދޮރުވެރިކަމާއި ބެހޭ ވުޒާރާއާއި، އިމާރާތްކުރުމާއި ބިނާރާ ބެހޭ ވުޒާރާގެ ވެސް ހިންގަމުންދާ އިމާރާތުގައެވެ. އަދި މި އިމާރާތުގައި މާލެ ސިޓީ ކައުންސިލުގެ ރައްވެހިކަމުގެ މަސައްކަތްތައް ކުރަމުންދެއެވެ. މި އަލިފާނުގެ އަސަރު މި ހަދިސާ ހިންގި އިމަރާތާއިން އިންވެގެން ހުރި ތިމާވެއްޓާއި ބެހޭ ވުޒާރާއަށްވެސް ކޮށްފައިވާ ކަމަށް އެމްއެންއެންޑީއެފްއިން ވަނީ ވިދާޅުވެފައެވެ.