ކެފޭއެެއްގެތެރޭގައި ހުއްޓާ މެޔަށް ތަދެއް އަރައިގެން ހޮސްޕިޓަލަށް ގެންދިޔަ މީހަކު ނިޔާވެއްޖެ

އަރޓިފިޝަލް ބީޗްތެރޭގައި ހުރި ކެފޭއެއްގައި ހުއްޓާ މެޔަށް ތަދެއް އަރައިގެން ހޮސްޕިޓަލަށް ގެންދިޔަ މީހަކު ފަރުވާ ދެމުންދަނިކޮށް ނިޔާވެއްޖެއެވެ.

ފުލުހުން ވިދާޅުވީ، މިއަދު ހެނދުނު 8:56 އެހާކަށްހާއިރު، އާޓިފިޝަލް ބީޗް ތެރޭގައި ހުރި ކެފޭއެއްގެ ތެރޭގައި ހުއްޓާ މެޔަށް ތަދެއް އަރައިގެން ފުލުހުން އެމީހާއަށް އެޓެންޑްވެ އެމީހާ އޭޑީކޭ ހޮސްޕިޓަލަށް ގެންދިޔަކަމަށެވެ.

އަދި ފަރުވާ ދެމުންދަނިކޮށް އެމީހާ މިއަދު ހެނދުނު 10:03 ހާއިރު ނިޔާވެފައިވާ ކަމަށް އޭޑީކޭ ހޮސްޕިޓަލާއި ހަވާލާދީ ފުލުހުން ވިދާޅުވިއެވެ. ނިޔާވެފައިވަނީ ސ. ހިތަދޫ، ސޯސަންގޭ އުމުރުން 53 އަހަރުގެ އަހުމަދު ޝަރީފްއެވެ.

މިހާދިސާއާއި ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.