އަސްކަރީ ދާއިރާއިން ގުޅުން ބަދަހިކުރުމަށް ރާއްޖޭން ޕާކިސްތާނާއެކު މަޝްވަރާކުރައްވައިފި

އަސްކަރީ ދާއިރާއިން ގުޅުން ބަދަހިކުރުމަށް ދިވެހިރާއްޖޭން ޕާކިސްތާނާއެކު މަޝްވަރާކުރައްވައިފިއެވެ.

މި މަޝްވަރާތައް ކުރައްވާފައިވަނީ ޕާކިސްތާންގައި މިހާރު ކުރިއަށްދާ 12 ވަނަ އިންޓަރނޭޝަނަލް ޑިފެންސް އެގްޒިބިޝަން އެންޑް ސެމިނަރ، އައިޑީއީއޭއެސް 2024 ގައި ބައިވެރިވެވަޑައިގަތުމަށް ދިފާޢީ ވަޒީރު މުޙައްމަދު ޣައްސާން މަޢުމޫން ކުރައްވަމުން ގެންދަވާ ދަތުރުފުޅުގެ ހަވާސާގެ ތެރެއިން ޕާކިސްތާނުގެ އަސްކަރިއްޔާގެ ޗީފް އޮފް އާމީ ސްޓާފް ޖެނެރަލްއާ ބައްދަލުކުރައްވައެވެ.

ޕާކިސްތާނުގެ އަސްކަރިއްޔާގެ ޗީފް އޮފް އާމީ ސްޓާފް ޖެނެރަލް ސައީދު އާސިމް މުނިރްއާއެކު ބޭއްވެވި މިބައްދަލުކުރެއްވުމުގައި އަސްކަރީ ދާއިރާއިން ދެ ޤައުމުގެ މެދުގައި ގުޅުން ބަދަހިކުރުމަށް މަޝްވަރާކުރައްވާފައިވާކަމަށް ދިފާޢީ ވުޒާރާއިން ވިދާޅުވިއެވެ.

Minister of Defence, @mgmaumoon met with General Syed Asim Munir, the Chief of Army Staff of Pakistan, at the sidelines of IDEAS 2024.

Discussions were focused on avenues of enhancing defence cooperation between the two Islamic brotherly countries. pic.twitter.com/kFwy7A1Tpl

— Ministry of Defence (@MoDmv) November 20, 2024

ޕާކިސްތާނުގައި މިހާރު ކުރިއަށްދާ އިންޓަރނޭޝަނަލް ޑިފެންސް އެގްޒިބިޝަން އެންޑް ސެމިނަރއަކީ ސަރަހައްދީ ޤައުމުތަކުގެ މެދުގައި އަސްކަރީ ދާއިރާއިން ގުޅުންބަދަހިކޮށް، ގުޅިގެން މަސައްކަތްކުރެވޭނެ ގޮތްތައް ދެނެގަތުމެވެ. މިއަހަރުގެ ސެމިނަރގައި 38 ޤައުމަކުން ބައިވެރިވެއެވެ.