ނޮވެންބަރު 10އަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅުއްވައިފި

އަންނަ ނޮވެމްބަރު މަހުގެ 10ވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމަޖައްސަވައިފިއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ އެމަނިކުފާނު އެ ގޮތަށް ނިންމެވީ ޖުމްހޫރީ ދުވަހާ ގުޅިގެން ކަމަށެވެ.

އެ ގޮތުން، މި އަހަރުގެ ކަލަންޑަރުގައިވާ ގޮތުން ޖުމްހޫރީ ދުވަސް ކަމަށްވާ ނޮވެމްބަރު 11 ވަނަ ދުވަހުގެ ކުރިން އޮތް ދުވަހަކީ ރަސްމީ ދުވަހަކަށް ވާތީ ބަންދު ދުވަހަށް މެދުކެނޑުމެއް ނައިސް މުވައްޒަފުންނަށް ޗުއްޓީ ލިބޭ ގޮތަށް ހަމަޖައްސަވައި ދެއްވީ ކަމަށް ރައީސް އޮފީހުން ވިދާޅުވިއެވެ.

ދިވެހިރާއްޖޭގެ ޖުމްހޫރީ ދުވަހަކީ ރާއްޖޭގެ ދެވަނަ ޖުމްހޫރިއްޔާ ގާއިމް ކުރެވުނެ ދުވަހުގެ ގޮތުގައި ފާހަގަކުރާ ދުވަހެވެ. އެ ގޮތުން ދެވަނަ ޖުމްހޫރިއްޔާ ޤާއިމުވެފައިވަނީ 11 ނޮވެމްބަރ 1968ގައެވެ.