ޕީޕީއެމްގެ ނައިބަކަށް ޑރ. އަބްދުﷲ ޚަލީލް، އެސްޖީއަކަށް އިބްރާހީމް ޢަބްދުއްރައްޒާޤު ޙަލީމް

ޕްރޮގްރެސިވް ޕާޓީ އޮފް މޯލްޑިވްސް، ޕީޕީއެމްގެ ނައިބު ރައީސްކަމުގެ މަޤާމަށް ޚާރިޖީ ވަޒީރު ޑރ. އިބްރާހިމް ޚަލީލް އިންތިޚާބުކޮށްފިއެވެ.

މިއަދު ބޭއްވި ޕީޕީއެމްގެ ސެނެޓް ބައްދަލުވުމުގައި ނައިބު ރައީސްގެ މަގާމަށް ޑރ. ޚަލީލް އިންތިޚާބުކޮށްފައިވާއިރު، އެޕާޓީގެ ހުސްވެފައިވާ ސެކްރެޓަރީ ޖެނަރަލްގެ މަޤާމަށްވަނީ މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހީމް ޢަބްދުއްރައްޒާޤު ޙަލީމް ވަނީ އިންތިޚާބުކޮށްފައެވެ.

ޕީޕީއެމްގެ ހުސްވެފައިވާ ނައިބުރައީސްގެ މަޤާމަށް ވަޒީރު، ޑރ. އަބްދުﷲ ޚަލީލް އިންތިޚާބުކޮށްފައިވާއިރު އެމަޤާމުގައި ކުރިން ހުންނެވީ ރައީސް ޑރ. މުޙައްމަދު މުޢިއްޒުއެވެ. އެ މަޤާމު ހުސްވީ ޕީޕަލްސް ނެޝަނަލް ކޮންގްރެސް، ޕީއެންސީއަށް ރައީސް މުޢިއްޒު ބަދަލުވެވަޑައިގެންނެވި ހިސާބުންނެވެ.

ނައިބު ރައީސްގެ މަޤާމުގެ އިތުރަށް ޕީޕީއެމްގެ އެސްޖީއަކަށް މީހަކު އިންތިޚާބުކޮށްފައި މިވަނީ އެސްޖީއެއް ޕާޓީގައި ނެތި ގިނަ ދުވަސްތަކަކަށްފަހުއެވެ. އެންމެ ފަހުން އެ މަޤާމުގައި ހުންނެވީ މިހާރުގެ ސްޕޯޓްސް ކޮމިޝަނަރު މުޙައްމަދު ޠޮލާލްއެވެ.

ޑރ. ޚަލީލްއާއެކު ޕީޕީއެމްގައި މިހާރު 3 ނައިބު ރައީސުން ތިއްބަވާނެއެވެ. ދެން ތިއްބަވާ ނައިބު ރައީސުންނަކީ ދިފާޢީ ވަޒީރު މުޙައްމަދު އަޙްމަދު ޣައްސާން މަޢުމޫންއާއި މަސްވެރިކަމާބެހޭ ވަޒީރު އަޙްމަދު ޝިޔާމެވެ.

ޕީޕީއެމްއަކީ ރާއްޖޭގެ ވެރިކަން ކުރަމުންދާ ޕީއެންސީއާ އެއް ކޯލިޝަނެއްގައި ހިމެނޭ ޕާޓީއެކެވެ.